Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Ихтиярларын билмек гьар адамгъа пайдалы

ДГПУ-да илму ишлер учун берилеген грант савгъатлагъа къарайгъан бёлюкню ёлбашчысы Закир Алихановну сёзлерине асасланып айтгъанда, Дагъыстанда юридический яндан кёмек этген кёп къурумлар ишлей. Шолар бары да биригип иш гёрсе, натижалы да болажакъ. «Биз яшёрюмлени арасында бу ишге болгъан чакъы жагьиллени кёп къуршамагъа герекбиз. Неге тюгюл, гьар адам оьзюню ихтиярларын билсе, яшавда оьз ерин тапмагъа да тынч болажакъ», – деп билдирген ол.
Сёзюн тамамлай туруп, Закир Ибадуллагьович ДР-ни яшёрюмлерини ачыкъ гьукуматыны башчысы Сайида Микогазиевагъа Дагъыстан педагогика университетде илму булан машгъул болагъан студентлени гьар-бир якъдан якълайгъаны учун баракалласын билдирген.
ДР-ни Халкъ Жыйыныны янындагъы ва Магьачкъала шагьардагъы яшёрюмлени парламентини, «Мен президентни кёмекчисимен» деген къурумну ёлбашчыларыны ва ДР-ни яшёрюмлерини ачыкъ гьукуматыны къуллукъчуларыны ортакъчылыгъы булан «Дагъыстан Респуб­ликаны яшёрюмлерин къабул этив жамият къуруму» деген проектни презентациясы да болгъан.
ДГПУ-да къурулгъан ихтиярланы якълав якъдан кёмек этив центрны ёлбашчысыны кёмекчиси Ильгьама Закирова «Да­гъыстан Республикада ихтиярланы якълав якъдан этилеген гьавайын кёмекни центры» деген проектни мурадыны ва гёз алгъа тутулгъан масъалаларыны гьа­къында айтгъан. «Биз проектни яшавгъа чыгъара туруп, тувра борчларыбызны кютегенден къайры, оьзлени ихтиярларын билсин учун ватандашланы арасында англатыв иш де юрютебиз», – деген ол. Республикадагъы белгили адвокатлар булан шолай ёлугъувларда оьрдеги класланы охувчулары да ортакъчылыкъ эте.
Алданокъ эсгерип къояйыкъ, центр Дагъыстан Республиканы юстиция министерлигини янында иш гёрежек. Шо центрда ихтиярланы якълав масъалаларда сынав топламагъа сюеген бары да жагьиллер ортакъчылыкъ этмеге болажакъ. Ондан къайры да, бу къурумда янгыз юристлер тюгюл, шо тармакъдагъы масъалалар булан ёлугъагъан психологлар да пикру алышдырмагъа бола.

ДГПУ-ну прес-къуллугъу.
Суратда: «дёгерек столну» ортакъчылары.

Количество показов: 472
28.02.2014 13:17

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта