Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamГод культуры безопасности Выборы - 2018ЧЕ-2018 Kaspeuro2018"ВРЕМЕНА"ИнфоблокИнтервьюПолитикаИсторияКультураЛюди и время НаукаНовые книгиБЛОГОСФЕРААналитикаЖАМИЯТПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорМАДАНИЯТАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы СПОРТЕдиноборства Развитие спортаСоревнованияФК «Анжи» МЕДИАСФЕРАО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Грипп аврув яйыла бара

  

Гьар йыл къышны геливю булан, сувукъ тийип, гриппден авруп, иссилиги гётерилип инжинегенлер нечакъы сюе бусагъыз да бола. Гьатта, кёплер аврувну сан да гёрмей аякъ уьстде оьтгерме къарап, заманында савлугъуну гьайын этмей, ахырда гьалсыз болуп, больницалагъа тюшелер. Онда да, оьрчюкген аврувгъа врачлар да кёмек этип болмай къала. Шолайлыкъда, оьзлени гьайсызлыгъындан, бир тайпалар яшавундан, дос-къардашдан айрылма борчлу болалар.


Дагъыстанны Роспотребнадзор управлениесинден бизге билдиреген кюйде, алдагъы жумалар булан тенглешдиргенде, декабр айны 18-ден 24-не ерлиги заманны ичинде гриппден авруйгъанланы санаву 2, 8 процентге артгъан.


Оьрде аты эсгерилген къурумну бизге ачыкъ этген маълуматына гёре, Дагъыстанны территориясында гриппни, ОРВИ-ни бары да вируслар биригип, адамны къаркъарасына яхшы кюйде гюч этеген тайпасы югъуп авруйгъанланы гьалы къувун салар йимик даражада тюгюл. Савлай республиканы алгъанда, аврувну шо тайпасы юкъгъанланы санаву 2 минг 691-ге етише. Шо буса 16, 5 процент болуп токътай.


Гетген жумагъа тергев этип къараса, Магьачкъалада ОРВИ-ден авруйгъан 1 минг 290 адам гьисапгъа алынгъан. Шо буса 18, 3 процент бола. Уллу чагъындагъы адамланы арасында авур оьтюп авруйгъанлар гьалиге арагъа чыкъмагъан деме ярай. Дагъыстандагъы гигиена ва эпидемиология центрны вирусланы анализ этеген лабораториясында 259 ахтарыв оьтгерилген. Шону натижасына гёре грипп аврувгъа хас вируслар арагъа чыкъмагъан.


Лап артдагъы жуманы гьасиллери гёрсетеген кюйде, больницагъа тюшмей, пневмониядан авруйгъанланы санаву 12 процентге артгъан, 214 адам гьисапгъа алынгъан. Гиччилерден тутуп, 17 йыллыкъ чагъына етишген яшланы, яшёрюмлени арасында 131 адам гьисапгъа алынгъан.


Эгер де инфекция югъуп къалардан сакъ болуп, гриппден авруйгъанлардан арек турмасагъыз, авруйгъанланы санаву дагъыдан бек артмакъ бар. Заманында врачланы янына барма унутмагъыз!



Количество показов: 66
01.01.2018 00:00

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта