Гьазирлик гёрюле

  Дагъыстанны физкультурагъа ва спортгъа къарайгъан министерлигини хас сайтында билдирилегени йимик, шо ярышланы алдында оьрде эсгерилеген къалада буссагьатгъы вакътиде янгыртыв ва ярашдырыв ишлер юрюле. Ачыкълашдырып айтгъанда, спорткомплексге сыягъан къаравчуланы санаву шайлы артажакъ. Оланы санаву 6 мингге етишежек.  


Шо масъалагъа байлавлу оьтгерилген генгешде ДР-ни физкультурагъа ва спортгъа къарайгъан министрини борчларын заманлыкъгъа кютеген Магьамматов ювукъда оьтгерилмеге гёз алгъа тутулгъан чемпионатны агьамиятлыгъы гьакъда билдирген. Шону булан бирге, Али Алиевни атындагъы спортну ва яшёрюмлерини къаласы чемпионатны оьтгеривге салынагъан бары да талаплагъа жавап бермеге тюшегени гьакъда эсгерген.


Министр спорткомлексдеги шартлар булан таныш болмакъ муратда гетген йылда дюнья оьлчевде спортну ябушув журасына къарайгъан бирлешивюню (UWW) ва Россияны спортну ябушув федерациясыны вакиллери  гелип гетгени гьакъда жыйылгъанланы эсине салгъан. Эсгерилген къурумланы жаваплы къуллукъчулары берген таклифлер гьисапгъа алынып, спорткомплексни янгыртывгъа байлавлу ишлени бу йылны март айыны 1-не тамамламагъа гёз алгъа тутулгъан. Европаны чемпионатыны алдында спортну ябушув жураларына мекенли кюйде тергев берилип гелеген Россияны, Иранны, Тюркияны, Азербайжанны кочапларыны ортакъчылыкъ этивю булан оьтгерилежек халкъара ярышлар спорткомплексни гьазирлигин тергев болажакъ.


Ону сёзлерине гёре, ярышны ортакъчыларына, гелген абурлу къонакълагъа, маълумат къуралларыны вакиллерине, къаравчулагъа айрыча онгайлыкълар болдурулгъандан къайры да, оланы аманлыгъын болдурувгъа ва къонакъюйлерде ерлешдиривге де агьамият берилежек. 
 



Авторизация
*
*
Регистрация
*
*
*
Согласны с условиями сайта?
Генерация пароля