Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Дагъыстанны Гьукуматыны Председателини сапары

Сапарны аслу мурады – янгы къурулгъан районну социал-экономика гьалы булан ювукъдан таныш болмакъ. Къурулгъан ва къурулажакъ яшавлукъ, административ биналаны сан янына, адамлагъа яшав онгайлыкълар болдурув масъалалагъа къаралгъан.
Абдусамат Гьамитов гьарисинде 315 яшгъа ери булангъы Новочуртах, Гамиях, Тухчар юртларда ишленип турагъан школалагъа баргъан. «Новострой» деген къурулуш объектлени дирекциясыны ёлбашчысы Магьамматсани Мандиев билдирген кюйде, уьч де школаланы бирисинде къурулуш ишлер бу йылны сентябр айында тамамланажакъ. Къалгъан экиси йылны ахырына таба къоллавгъа берилежек. Уьч де школаны ишлемеге 2013-нчю йылда башлагъан болгъан, къурулуш ишлер графикге гёре юрюле.
А.Гьамитов, школаланы айланасындагъы майданны да арив онгарып, бу юртларда яшайгъан адамлагъа да яшавлукъ онгайлыкълар болсун, спорт булан машгъул болмагъа да онгайлыкълар болсун деп таклифлер берген.
Къонакълар Новочуртах юртда яшай­гъан бир агьлюню уьюне барып, ондагъы яшавлукъ онгайлыкъланы ахтарып къарагъан. Онда сув да, электрик гюч де, исив де барлыкъны гёрген.
Премьер-министр юртлу халкъ булан ёлугъуп, оланы чийсындыра­гъан пикрулагъа да тынглагъан. Гьукуматны Председателини заместители Рамазан Жапаровгъа хас тапшурувлар берген. «Новолак район» муниципал къурулувуну башчысы Магьамматгьажи Айдиевге, «Новострой» деген къурулуш объектлени дирекциясыны ёлбашчысы Магьамматсани Мандиевге де халкъны чечилмеген масъалаларын тезликде чечмеге тарыкъны гьакъында билдирген. Жумада бир керен мунда яшайгъан адамланы къабул этмек учун онгайлыкъ болдурма герекни гьакъында да айтгъан.
Сонг премьер журналистлер булан ёлукъгъан. Ол англатгъан кюйде, Новолак районну янгы ерге гёчюрювню масъаласын тюзевлю чечип тамамламакъ Дагъыстан Республиканы Президенти Рамазан Абдулатиповну тергевюню тюбюнде юрюле.

«Дагъыстан» деген
маълумат агентлиги.

Количество показов: 461
13.01.2014 09:46

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта