Чагъы уллулагъа – айрыча тергев

Гьар йыл адатлы гьалда оьтегенде йимик, бу йыл да октябр айны биринде Къарабудагъгент юртну ял алыв бавунда шо байрамгъа багъышлангъан район оьлчевдеги чара оьтгерилди. Бу  чараны уллулар учун жамиятны социал якъдан таъмин этеген умуми центры  онгаргъан эди.

             Къарабудагъгент районну администрациясыны ёлбашчысыны заместители Имамутдин Чамсаев, жыйылгъанланы районну башчысы Къапур Исаевни атындан къутлай туруп, олагъа баракалла билдирди. Оьзюню сёйлевюнде И.Чамсаев шулай эсли чагъындагъы адамланы къайратлы загьматы саялы, Къарабудагъгент район республикада алдынлы ерлеге етишгенин эсгерди ва уллулагъа къатты савлукъ булан узакъ оьмюр ёрады. 

Байрамны ортакъчыларына шо гюн дагъы да кёп исси сёзлер айтылды, олагъа савгъатлар тапшурулду. Шатлы мажлисни ахырында Къарабудагъгент маданият центрны йыравлары Патимат Гьюсейнова, Умукюсюм Шамилова, Къыстаман Умарова оьзлени йырлары булан  жыйылгъанланы гёнгюн алдылар.

 

 

Р. МУСАЕВА.

Авторизация
*
*
Регистрация
*
*
*
Согласны с условиями сайта?
Генерация пароля