Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Буйнакск районгъа – биринчи ер


Белгили болгъан маълуматгъа гёре, район артдагъы 15 йылны ичинде социал-экономиканы оьсюв ягъындан алгъанда яхшы натижалагъа етишген. 2009-нчу йылдан башлап бу савгъат гьар йыл янгыз Буйнакск районгъа тапшурулагъаны да шогъар бир далил болуп токътай.

Шатлы агьвалатгъа байлавлу жыйында «Буйнакск район» деген муниципал бирлешивню ёлбашчысы Даниял Шихсайитов оьзюню сёйлевюнде районда экономиканы оьсювюнде юрт хозяйство тармакъны къошуму аслу кюрчю болуп токътайгъанын айтгъан. Санавлагъа гёре районда 216 сабанчы-фермер, 22 мингге етишеген онгача иш гёреген хозяйстволар ва 15 юрт хозяйство къурумлар бар. Йылны натижаларына гёре юрт хозяйство тармакъда болдурулагъан малланы  къадары умуми алып айтгъанда 3 миллиард манатдан да оьте. 

Шо гьакъда районну башчысы оьзюню сёйлевюнде де генг кюйде айтгъан. Шону булан бирге ол районда буссагьатда да чечилмей турагъан масъалалагъа жыйылгъанланы ва гелген къонакъланы тергевюн бакъдыргъан. Аслу гьалда шо четимликлер районну гьар тюрлю къурумларындан алынагъан налоглар булан байлавлу экени де ачыкъ болгъан. Сонг да, болдурулгъан юрт хозяйство малланы сакъламагъа ва сатывгъа чыгъармагъа болагъан шартлар яратылмагъанлыкъ да чечилмей турагъан масъалалардан санала.

Шо жыйында Дагъыстан Республиканы Гьукуматыны ёлбашчысыны орунбасары Шарип Шарипов да чыгъып сёйлеген ва районда гьар заман юрт хозяйствогъа агьамият берилип гелгенин айтгъан. Сёйлевюн тамамлай туруп, ол Буйнакск районну башчысы Даниял Шихсайитовгъа биринчи даражалы дипломну тапшургъан.

Районну ёлбашчысы Даниял Шихсайитов оьзюню ва районну атындан  Дагъыстан Республиканы Башчысы Рамазан Абдулатиповгъа, ДР-ни Халкъ Жыйыныны ёлбашчысы Хизри Шихсайитовгъа, ДР-ни Гьукуматыны ёлбашчысы Абдусамат Гьамитовгъа ва министерликлени, ведомстволаны башчыларына гьар заман якълав табагъаны саялы, баракалласын билдирген.

Йылны натижаларына яхшы къыйматлар булан етишгенликге байлавлу болуп юрюлген байрам чара «Темирхан-Шура» деген бийив ансамблни, «Байтерек», «Эрпели» хорланы ва Буйнакск районну маданият центрыны къуллукъчулары гьазир этген концерт программасы булан тамамлангъан.

 

Буйнакск районну

прес-къуллугъу.

Количество показов: 460
14.11.2014 12:55

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта