Буйнакск районда игитлени гюню белгиленди

Буйнакск район администрацияны башчысы М. Маликов ва бир-бир администрация къуллукъчулары районну школаларындан гелген къонакълар Жюнгютей юртда Советлер Союзну Игити, дав-денгиз авиацияны майору Юсуп Акаевни эсделигине чечеклер салды. Юсуп Акаев Уллу Ватан давда 47-нчи Къызыл Юлдузлу Балтыкъ флотну авиация полкуну экинчи авиация эскадрилиясыны командири болгъан. 1943-нчю йыл Новороссийск шагьарны къыры­йында юрюлген дав агьвалатларда ортакъчылыкъ этген.

Юсуп Акаев 140 керен оьзюню самолёту булан дав тапшурувланы кютмеге кёкге гётерилген, 18 денгиз гемени батдыргъан, душманны кёп санавдагъы танкларын ва оьзге дав техникасын дагъытгъан.

СССР-ни Оьр Советини Президиумуну указы булан Юсуп Акаевге Совет Союзну Игити деген ат берилген. Ленинни ордени булан савгъатлангъан.

Игитни дав ёлуну гьакъында Буйнакск район администрациясыны башчысы М.Маликов, районда давну ва загьматны ветеранларыны советини председатели А.Магьамматов ва башгъалары чыгъып сёйледи.

Юсуп Акаевни къардашы М.Салаватов да Игитни эсделигине чечеклер салды.

Гь. Гьайбуллаев.

Авторизация
*
*
Регистрация
*
*
*
Согласны с условиями сайта?
Генерация пароля