Бизин Ватаныбыз – Россия

Россияны харлысызлыгъы

В. Путин россиялылар уьлкесини харлысызлыгъын якъламагъа бажарагъанын билдире. Россияны халкълары оьзлени милли пайдасын якълама болагъанны бирдагъы керен де гёрсетди. В. Путин айтгъан кюйде, Россияны бирлиги учун ватандашлар ялгъан къопдурувлагъа инанмай ва башгъа миллетлени хатирин къалдырмай. Тек о арив сёзлер булан башгъаланы ягьын бузмакъ тюгюл, бир-биревню якъламагъа чакъыргъан.

Бирлик ва тарих

Россияны Башчысы айтгъан кюйде, тарихни дарслары ватандаш разиликни болдурма чакъыра. Уллу талчыкълар нечик гьаллагъа салма болагъанын биз яхшы билебиз. Оьтген асруну барышында олай гьаллар бизин уьлкеде аз болмагъан. Гелеген 2017-нчи йыл Февраль ва Октябр инкъылапланы 100 йыллыгъы тамамлана. Россияда болгъан инкъылаплагъа дагъы да къайтып къарама, Россияны жамиятына шо агьвалатланы дагъы да гёзден гечирме себеп бар. 1917-нчи йылны эсге ала туруп, гьар агьлюге о гелтирген бир-бир талчыкъланы оьзлени пайдасына айландырма къарама тарыкъ тюгюл.

Россияны халкъларыны бирлиги уьлкени оьсювю учун тарыкъ экенни Россияны Президенти дагъы да эсгерди. Тозулгъан жамият булан уллу масъалаланы чечме бажарыламы? Бирев-биревню англамайгъан, гьар адам оьз талапларын гётереген парламентде натижалы иш чыгъарма боламы? Тышдан ёлбашчылыкъ этилеген уьлкеде, оьзюню ватандашларыны абурун тас этген парламент булан ишлеме бажарыламы? Шу соравлагъа бир ёрукъда жавап берме бажарыла. Озокъда болмай.

Медицина

В. Путин Чакъырыв кагъызында медицинаны оьсюв ёлларыны гьакъында да айтды. Врачланы билимин гьар йыл камиллешдирив гелеген йылдан тутуп башланажакъ ва врачлар оьзлени билимин къайда камиллешдирме герекни оьзлер сайлажакълар. Врачланы тарыкъсыз ишлерден, языв-бузукъдан  азат этме герекни де эсгерди.

Коррупциягьа къаршы ябушув

Коррупцияны гьакъында айта туруп, Президент эсгерген  кюйде, пачалыкъ къуллукъчуланы кёплери – таза ва низамлы адамлар. Тек уллу гьакимлер булангъы байлавлугъу, пайдалы ишлери коррупциягъа тарыгъанланы айыпдан чайма болмайгъанын дагъы да эсгерди.

«Сайлав кампанияны уьлкедеги оьсюв ёлларын буса сав жамиятда яшайгъан ватандашлар оьзлер белгиледи», – деди Владимир Путин.

Экономика

Президент инфляцияны тёбенлешивюн эсгерди. Россияны дюнья экономикасыны арасындагъы гьалын яхшылашдырмакъ учун 2025-нчи йылгъа етишгинче тийишли ва тындырыкълы чараларын къуршайгъан планны гелеген йылны май айы болгъанча онгартмагъа Россияны Гьукуматына тапшурду.

Эгер де Россияны экономикасыны алдында токътагъан кюрчю масъалаланы чечмесек ва оьсювюбюзню янгы шартларын толу гюч булан къолламасакъ, йыллар бою артда къалмагъы­быз бар. Башынданокъ бизге къысылып-тартылып дегенлей яшама, экономия этип, оьсювюбюзню сонггъа къоймагъа биз болмайбыз.

Россия Федерацияда цифровой экономиканы программасын къоллама башламакъны Путин таклиф этди

Янгы технологияланы къайдаларыны ёлларында къоллап этилинеген экономиканы оьсювюню генглешген программасын яшавгъа чыгъарма так­лиф этди. Ону яшавгъа чыгъарагъанда уьлкеде иш гёреген компаниялагъа, ахтарыв центрлагъа аркъа таяма герек. Шо милли аманлыкъны ва уьлкени технология харлысызлыгъыны масъаласы болуп токътай.

Гюнбатыш пачалыкълар булан къатнав

Путин эсгергени йимик, Россия США-ны янгы администрациясы булан къатнамагъа гьазир. Шону булан бирге Россия гьеч ким булан татывсуз болмагъа ва олагъа къаршы турмагъа сюймей, тек оьзюню ихтиярларын къыйыкъсытывланы да ёлгъа йибермежек.


В. Путинни РФ-ни Федерал Жыйынына йиберген Чакъырыв кагъызына гёре сесленивлер

РФ-ни юрт хозяйство министри Александр Ткачёв «Россия 24» деген телеканалгъа берген баянлыгъында билдиргени йимик, Россияны АПК-сы оьзюню ерин тапгъан. Ону пикрусуна гёре, тыш пачалыкълар токъташдыргъан санкциялар тайдырылмаса да,  гьал бузукъ якъгъа алышынмажакъ. 

Пачалыкъ Думаны вице-спикери Сергей Неверов оьз гезигинде Президент гёнгюллюкню ва оьсювню Чакъы­рыв кагъызы булан чыгъып сёйлегени гьакъда билдирген. Силуа­новну сёзлерине гёре, экономиканы дюнья оьлчевюнден тёбен болмай­гъан кюйде 2020-нчы йылгъа янгы экономика шартлар болдурулса ва налог жыйыв тармакъда алмашынывлар этилсе, гьаллар ёрукълашажакъ. 

Шондан къайры да, Валентина Матвиенко билдиргени йимик, Федерация Совети Президент оьзюню Чакъырыв кагъызында берилген тапшурувланы яшавгъа чыгъарывну гёз алгъа тутулгъан планын тасдыкъ этежек. Шону булан бирге ол Владимир Путинни Чакъырыв кагъызы гьалиги яшав шартлагъа къыйыша­гъаны гьакъда айтгъан. Шондан къайры да, ону пикрусуна гёре, Чакъырыв ка­гъызны экономика масъалагъа байлавлу бёлюгю «гючлю» язылгъан. 

Шону булан бирге, Денис Мантуров автомобиль чыгъарыв промышленностда бу йылны барышында кёп тёбен тюшмежек.. Автомобиль чыгъа­рывдан къайры, оьзге тармакъларда да 2016-нчы йылны гьасиллерине гёре гетген йыл булан тенглешдиргенде оьсюв гьис этилежек. 

Авторизация
*
*
Регистрация
*
*
*
Согласны с условиями сайта?
Генерация пароля