Байлавлукъ – аслу масъала



     Форумгъа гелген къонакълагъа гёрсетмек учун, Магьачкъалада В. Ленинни атындагъы майданда ёл-техниканы гьалиги заманны шартларына жавап береген экспонатлары ерлешдирилген болгъан.

         Дагъыстан Республиканы парламентини спикери Хизри Шихсайитов, ДР-ни Гьукуматыны башчысы Абдусамат Гьамитов, ДР-ни Башчысыны ва Гьукуматыны Администрациясыны ёлбашчысы Рамазан Алиев ва оьзге ёлдашлар булан бирче Рамазан Абдулатипов выставканы айланып къарагъан.

     ДР-ни транспорт ва ёл хозяйство агентлигини ёлбашчысы Загьит Хучбаров билдирген кюйде, ёл-транспорт комплексни оьсювю халкъны яшавун яхшылашдырыв булан байлавлу. Дагъыстан Республика булан тыгъыс байлавлукъ тутуп иш гёрме токъташгъанлы­гъыны гьакъында «Fesko» деген транспорт группаны финанс ишлерине къарайгъан директору Глеб Титов билдирген.

        ДР-ни Башчысы Рамазан Абдулатипов эсгерген кюйде, респуб­ликада генг кюйде оьтгерилме гьазирленген Каспий форумда да «Fesko» деген компанияны вакиллери ортакъчылыкъ этмеге болажакъ. Р.Абдулатипов жыйынны ача туруп булай деген: «Бугюн республиканы алдында кёп тюрлю четимликлер токътагъан. Алда оланы гьайы этилмей тургъан. Транспорт масъаланы четимликлери гьар-бир районда ва шагьарларда да ёлугъа. Бизде, гьатта Магьачкъалада, тийишли къайдада белгиленген транспорт системасы ёкъ. Бизин аэропорт бузулуп битген эди. Россияны Президентини, РФ-ни Гьукуматыны гьай этивю ва «Сумма» группаны гьаракаты булан аз заманны ичинде самолётлар учагъан-къонагъан ёлну мекенли кюйде ярашдырмагъа бажарылды. Аэровокзалны да шолай арив этип онгарма деп «Нафта-Москва» компания булан сёйлешгенбиз. Магьачкъала денгиз портну ишин де яхшылашдырма тарыкъ».

     Дагъыстан Республиканы вице-премьери Рамазан Жапаров билдирген кюйде, ёлларда хатабалагьланы алдын алмакъ учун кёп иш этиле. ­Янгыз Магьачкъалада ёлланы гёрсетеген 63 видеокамера ишлей, ГЛОНАСС спутник системаны да къоллап иш гёрюле.

       Магьачкъала шагьарны башчысыны къуллукъларын заманлыкъгъа кютеген Магьаммат Сулейманов англатгъан кюйде, 15–20 йылланы узагъында Магьачкъалада алдагъы ёлбашчыланы тергевю болмагъаны саялы, шагьар автотранспорт бек бузукъ гьалгъа тарыгъан. Орамланы сан янын яхшылашдырмакъ учун суткада 700 тон асфальт чыгъарагъан завод къурулгъан. 150 орамны чонкъларына асфальт салынып тура.

       ДР-ни Гьукуматыны Председатели Абдусамат Гьамитов билдирген кюйде, автомобиль ёлланы ярашдырмакъ учун бу йылны бюджетине тийишли харж маялар салынгъан. ДР-ни Башчысыны ва Гьукуматыны Администрациясыны ёлбашчысы Рамазан Алиев де Дагъыстандан авур юк ташыйгъан автомашинлер нормадан эки керен артыкъ кёп юк алып юрюйгенни гьакъында айтгъан. Шо буса ёлланы тез бузулувуна себеп бола.

    ДР-ни Халкъ Жыйыныны Председатели Хизри Шихсайитов ёл масъалаларда тувулунагъан четим гьалланы ёрукълашдырмакъ учун не йимик ишлени яшавгъа чыгъарма герекни гьакъында оьз пикрусун англатгъан.

     Жыйынны ахырында Рамазан Абдулатипов булай форумланы кёп оьтгере турмакъ пайдалы экенни эсгерген.



ДР-ни Башчысыны ва Гьукуматыны Администрациясыны прес-къуллугъу.

Авторизация
*
*
Регистрация
*
*
*
Согласны с условиями сайта?
Генерация пароля