«Асгер къуллукъгъа чакъырылагъанланы санаву артгъан»

Ол билдиргени йимик, бу йыл Дагъыстандан асгер къуллугъун кютмеге 2100 адам гетежек. Буссагьатгъы вакътиде бизин республикада 4 мингге ювукъ адам асгер къуллугъун кютювден баш къачыра буса да, уьлкени Савутлу Гючлеринде ватандаш борчун кютмеге сюегенлени санаву хыйлы артыкъ.  Бизин уьлкени Савутлу Гючлери оьзлерде дыгъар байлап  къуллукъ этивню къайдасына гёчюп тура буса да, бу йыл гюзде, бизин язбаш айлар булан тенглешдиргенде, бизин республикадан асгер къуллу­гъун кютювге эки керен артыкъ адам чакъырылажакъ. 

Бизин республикадан асгерге гетген жагьил адамлар Оборона министерлигинде, олай да ич ишлер асгерлерини бёлюклеринде къуллукъ этежек. Буссагьатгъы вакътиде бизин уьлкеде спорт булан машгъул болувгъа айрыча агьамият береген 8 рота бар. Бизин жагьил уланлар шолагъа да бакъдырылажакъ. Бизден асгерге чакъырылгъанлар тыш уьлкелеге, айрыча Украинагъа бакъдырыла деген халкъ арада юрюлеген хабарлар бирдокъда  гьакъыкъатгъа къыйышмай.

– Бу йылны язбаш айларындан тутуп, асгерге чакъырылгъанлагъа ва дыгъар байлап, уьлкени Савутлу Гючлеринде къуллукъ этегенлеге хас электрон карталар тапшурулмагъа башлангъан. Шо,  асгер къуллукъгъа чакъырылагъанланы гьисабын юрютмекден къайры, бир-бир идаралар оланы алдына салагъан тогъасланы да алдын алмагъа имканлыкъ бережек,– деп давам этди ол сёйлевюн.

Прес-конференцияны ахырында  Д. Мустапаев бизин республикадан асгер къуллукъгъа чакъырылагъан бары да жагьил уланлагъа  оьзлени аталарыны ва уллаталарыны асил мердешлерине амин кюйде къалып, ватандашлыкъ борчун намуслу кюйде кютмекни ёрады.

 

 

 

Насрулла БАЙБОЛАТОВ.

СУРАТДА: прес-конференцияны вакътиси.

Авторизация
*
*
Регистрация
*
*
*
Согласны с условиями сайта?
Генерация пароля