Аналыкъ капиталдан чарасызлагъа акъча берилежек

  

Янгы йылгъы каникуллардан сонг, Дагъыстандагъы пенсия фонд чарасыз агьлюлеге аналыкъ капиталны уьстюнден гьар ай 9 минг 922 манат акъча бермек учун ватандашлардан арзалар къабул этме башлажакъ. 2018-нчи йылда агьлюде экинчи яш тувгъан сонг яда бир ерден сакълама яш алса, шо акъчаны етишип болмайгъан агьлюлеге берме борчлу. Шолай аналар шагьатнаманы да, гьар айда гёрсетилген акъчаны алмакъ учун да, эки тюрлю арза берме тарыкъ.   



Гьар айда уьзюрю агьлюлеге шо акъчаны берме т
ийишлими яда тюгюлмю – шону белгили этмек   муратда, бир башлап уьягьлюню артдагъы 12 айны ичинде алгъан гелимин токъташдыражакълар. Шону да, янгы тувгъан яшын да къошуп, уьягьлюде нече адам бар буса, олагъа барына да пайлап къаражакълар. Эгер де, шо санав 1, 5 керенге кем болуп токътай буса, шолай агьлюлеге аналыкъ капиталдан гьар ай гёрсетилген акъчаны бермеге тийишли.



Бу масъаланы дагъы да бир яны бар. Айтагъаныкъ, уьягьлюню гелимин белгилейгенде, савгъат харжлары, алапасы, пенсиясы, стипендиялары, кёмек харжлары, алиментлери, гьар тюрлю къайдадагъы компенсациялары да гёз алгъа тутулажакъ. Пенсия фондгъа арзалар берегенде, шо бары да уьягьлюню гелимин гёрген хайырны токъташдырагъан тийишли документлени онгарып тапшурма тарыкъ. Сонг да, уьягьлюню гелимин ачыкъ этегенде, къувунлу гьаллагъа тарып, кёмек гьисапда бир керен гёрсетилген акъчасы, ижарагъа берилген мал-матагьындан гелеген хайыр гьисапгъа алынмажакъ.



Олай да, эгер де яшларын пачалыкъ толу кюйде таъмин эте буса, уьягьлюню гелими гьакъында ялгъан маълуматлар берилсе, ондан къайры да ата-ана ихтиярларындан азат этилген буса, шолайлагъа акъча берилмежек.



Аналыкъ капиталдан гьар ай 9 минг 922 манат алма сюегенлер Россияны пенсия фондуну ерлердеги бёлюгюнде яда МФЦ-лерде арзалар берме бола. Шо арзалагъа законгъа гёре бир айны ичинде къаралажакъ.



Авторизация
*
*
Регистрация
*
*
*
Согласны с условиями сайта?
Генерация пароля