Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

АНА ТИЛЛЕРИН ЭШИТМЕГЕ ГЬАСИРЕТ

Жыйында республиканы печат ва маълумат министри Бурлият Токъболатова милли радиоберилишлени масъаласын гётерди. Ол англатгъан кюйде, адамлар радиоберилишлеге тынгламагъа гьасирет, халкъны милли тиллерде радио программалар юрюлмейгени талчыкъдыра. Ондан къайры да, ана тиллени оьсдюрювде ва сакълавда радиоберилишлени кёп уллу агьамияты барны эсгерди. Шону учун милли газетлерде, журналларда, олай да телевидениеде чыгъагъан маълуматланы къоллап, милли радиоберилишлени нечик къайдада гьазир этме герекни гьакъында лакъыр юрютдю.

Жыйында Россияны телевидение ва радиовещаниесини Дагъыстандагъы филиалыны директору Гьажимурат Сайитов РГВК «Дагъыстанда» ачылгъан «Страна гор» деген радиону ишини гьакъында маълумат берди.

Жыйында янгы берилишлени къурувда, оланы маъналы маълуматлар булан толумлашдырывда техника, харж якъдан да не йимик масъалалар, четимликлер арагъа чыкъма болагъанны гьакъында да эсгерилди. Уьстевюне, радиоберилишлени юрютмек учун англавлу касбучулар етишмей.

«Гьакъыкъат» деген газетни баш редактору Али Камалов оьзлени редакциясында гезигин сакълап, милли тиллерде юрюлежек телерадиоберилишлени гьазирлемеге бары да имканлыкълары булангъы студиясы барны айтды.

Б.Токъболатова жыйынны натижаларын чыгъара туруп, ана тиллени сакъламакъ, оьсдюрмек муратда министерликни янындан болагъан гьаракатны этип, радиоберилишлеге гёрсетилеген заманны санлы маълуматлардан толтуруп, халкъгъа етишдирме тарыкъны ва бу масъалагъа бирдагъы къайтма тюшежегин айтды.

П. ГЬАЙБУЛЛАЕВА.



Количество показов: 905
19.10.2016 11:35

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта