«Алтын гюзню» гюзгюсю

Бугюнлерде «Торгсервис» деген ООО-ну ва шолай да Дагъыстанны мал-матагь, юрт хозяйство министерликлерини сиптечилиги булан Дагъыстан Республиканы журнал-газет комплексини алдында оьтгерилеген ярмакю де «Алтын гюзню» гюзгюсю демеге ярай.

Буса да, бугюнлерде мунда ашамлыкъ, авлакъ ниъматлар булан янаша яшавлукъда тарыкъ болагъан гьар тюрлю промышленный маллар, савут-саба, опуракъ ва аякъгийимлер де сатыла.

Тюзюн айтгъанда, багьалары да мунда сатылагъан малланы сан яны булан тыгъыс кюйде байлавлу.

Бизин республикабызда къоллавчуланы англатывларына гёре, гертиден де, эт булан гьар тюрлю овощлар, айрокъда согъан кёп къоллана. О саялы да, согъандан толгъан гьар тюрлю оьлчевдеги сеткаланы ломайлап алагъанлар аз тюгюл.

– Согъанны багьасын нечакъыдан сатып алдыгъыз? – деп сорайман бизин типографияда ишлейген къызлар къаршылашгъанда.

– Гиччи беш килолукъ сеткалар 100 манатдан сатыла.

– Аридеги камаз машинден таба сатылагъан уллу къапларда 30 килону ломайлап килосун 13 манатдан алсагъыз, хайырлы тюгюлмю?

– Ону сатып алып квартирде яйып къурутма ерибиз ёкъ. Айрыча абзары-ери барлагъа онгайлы.

Гертиден де, мунда сатыла­гъан учуз багьаларына овощланы ва емишлени ломайлап сатып алгъан булан иш битмей экен. Сакълавгъа салмакъ учун тазалама ва къурутма тарыкъ. Сакълавну масъаласы да, баягъы, багьалагъа таъсир этмей къоймай.

– Не ерден гелгенсиз? – деп сорайман уьстю ябылгъан машинни ичинден таба гьар тюрлю овощлардан ва емишлерден гьазирленип, къутукълагъа салынгъан ун-къувут сатагъан орта чагъына гелген эргишиге.

– Къызылюрт районну Нечаевка юртундан гелгенбиз.

– Атыгъыз кимдир?

– Мени атым Аюб Дибиров.

– Малны къайдан алгъансыз?

– Оьзюбюзнюки.

– Багьалары хапмаймы?

– Хапмай. Хаба базарлардагъы ва тюкенлердеги багьалар. Олар бизден сатып алып уьстюне дагъы да 20 процент къошум гьакъ салып сата.

Емишлерден, овощлардан ва оьзге тюрлю дарман оьсюмлюклерден гьазирленген къувут йимик алывчулагъа мунда банкалагъа салынып тузлангъан гьар тюрлю заводлардан гелтирилген консервалар, соклар, колбаса маллар, дюгю, оьзге тирилик ишлетеген заводлар ва продукцияны оьсдюрегенлер салгъан багьалагъа гёре сатыла.

Къызлардагъы Урицкийни атындагъы колбаса маллар гьазирлейген ва Кикуни консерва заводну малларыны сан яны ва багьалары алывчуланы рази къалдыра.

Юзюм, алма, гьармут, къапуста, картоп, къабакъ ва оьзге тюрлю авлакъ ниъматлар килосу 15–30 манатлардан багьаланып бериле. Айтагъаным, мундагъы багьалар тюкенлерде, базарларда йимик тюгюл, гьаллашып-гьакълашып бажарсанг, тёбен тюшюрме де бажарыла.

Бизин республикабызны тахшагьарында артдагъы вакътилерде бал сатылагъан айлыкъ ва жумалыкъ ярмакюлер оьтгерилегени тергевню тартмай болмай. Бугюнлерде де ярмакюде дагъыстанлы ва ондан тышдан гелген балчыланы кёп къадардагъы гьар тюрлю журалы баллары сатылагъан ерлерде алывчулар гезикге токътай…

Къ. Къараев.

Авторизация
*
*
Регистрация
*
*
*
Согласны с условиями сайта?
Генерация пароля