Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Адамланы арзаларына къарала

– Бу йылны ичинде район администрациягъа 1681 адам кёмек тилеген, шондан 889 адамны районну башчысы Жамболат Салавов, 192 адамны буса район администрациясыны башчысы Загьир Боташев къабул этген, – деди А.Акъавов. –Тергевлер гёрсетеген кюйде, адамлар аслу гьалда топуракъ масъала булан геле, демек, 436 адам уьйлер къурмакъ учун ер тилеп гелген. Шоланы арасында енгилликлер тийишлилер де бар. Мисал этип айтсакъ, Эндирейде 139 енгиллик тийишли адамдан уьйлер къурмакъ учун 15-и тарыкълы документлени гьазирлеген. Гьали Могилёвское ва Петраковское юртларда топуракъ масъалагъа къарап турабыз. Иш излеп буса 215, яшав гьалы осал деп ва кёмек этмекни тилеп 160 адам гелген. Шо, бир янындан, яхшы, тек ону биревю яны да бар. Бизин тергевлерибиз гёрсетеген кюйде, къайсы юртда ерли гьаким яхшы ишлей буса, шондан арзалар аз бола. Айтагъаным, шолай юртларда гьалны англатыв ишлер яхшы салынгъан.
Яшавлукъ уьйлени масъаласы районда алдан берли чечилген, тек бир-бир юртларда, алда пакарсыз пайлап, ерлер къалма­гъан. Сув масъала булан да кёп адам геле. Яхсайны алып къойсакъ да таманлыкъ эте. Шолай да, сув масъала Ичичали, Боташюрт юртларда да бар. Райондагъы ёлланы гьалы да тергевден таймай кёп йыллар турду, не буса да шо масъала шайлы аз болду. Ерли ёллагъа къарайгъан ДЭП 37 къурумну гьаракаты булан Хасавюрт-Адилотар-Сулевгент ёл (2 чакъырым), Эндирей ёл (4,8 чакъырым), Ботаюрт-Львовское (12 чакъырым) асфальт этилген. Кёстек, Темиравул, Лакълакъюрт, Къандавур, Кёкрек, Могилёвское, Яхсай, Кемсиюрт ва Чагъаротар юртланы ичиндеги ёллагъа да ремонт этилинген.
Бу йыл Янгы Кёстекде яшлар баву, Кёстекде, Могилёвское юртларда школалар къурулуп тура.
Жыйынны яба туруп, Хасав­юрт район администрацияны башчысы Загьир Боташев администрациягъа гелген гьар адам жавап алмай яда масъаласын чечмей гетмеген ва шолай энниден сонг да болажакъны айтды.

Гебек КЪОНАКЪБИЕВ,
оьз мухбирибиз.
Суратда: А. Акъавов
доклад эте.

Количество показов: 486
27.12.2013 13:46

Возврат к списку

Страницы: 1 2 3 4 5 ... 990 След.








AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта