Яшыл терек орнатыв ёл ала бара


«Яшыллыкъны чакъырымлары» деген терек орнатывну гьаракаты башлангъан. Магьачкъаладан оьтюп, шо гьаракат оьзге шагьарлагъа да, районлагъа да гёчежегине де инанма тюше. Шолай болма да болажакъ. Тахшагьар гёрсетген уьлгюге оьзгелер де агьамият бережегине инанмай къалма кюй ёкъ.



«Яшыллыкъны чакъырымлары» деген терек орнатывну гьаракаты башлангъан. Магьачкъаладан оьтюп, шо гьаракат оьзге шагьарлагъа да, районлагъа да гёчежегине де инанма тюше. Шолай болма да болажакъ. Тахшагьар гёрсетген уьлгюге оьзгелер де агьамият бережегине инанмай къалма кюй ёкъ.

 


Мисал учун, бираз алда Магьачкъалада, ипподром бойда яшыл терек орнатыв чара оьтгерилген. Ондан алда Каспийск шагьарда «Уьйташ» деген аэропортну къырыйында да Дагъыстан Республиканы Башчысы Владимир Васильевни сиптечилиги булан шолай адилли иш оьтгерилген болгъан. Бир минг 400 терек салынгъан. Сонг акция Магьачкъала шагьаргъа багъып тербене.



Акцияда ортакъчылыкъ этмек учун Дагъыстан Республиканы Башчысы Владимир Васильев де гелген. Ол бир нече терекни оьзю орнатгъан. Оьзге гелгенлени арасында Дагъыстан Республиканы Башчысыны ва Гьукуматыны Администрациясыны ёлбашчысы Владимир Иванов, Дагъыстан Республиканы Гьукуматыны биринчи заместители Гьажимагьаммат Гьюсейнов, Дагъыстан Респуб­ликаны Башчысыны ва Гьукуматыны Админист­рациясыны ёлбашчысыны биринчи заместители Валерий Горнак, Магьачкъаланы мэрини борчларын заманлыкъгъа кютеген Мурат Алиев ва гьар тюрлю тармакъланы, жамият къурумланы ва яшёрюм бирлешивлени вакиллери де ортакъчылыкъ этген.



Магьачкъаланы башчысыны борчларын заманлыкъгъа кютеген Мурат Алиев субботникни вакътисинде эсгерген кюйде, шагьарлылар кёп сююп булай агьамиятлы ишге къуршала. Янгыз ипподромну янында тюгюл, тахшагьарны оьзге бойларында да терек орнатыв иш юрюле.



Шо гюн бир мингге ювукъ терек салынгъан.



 

Максим Эсенбиев.



Авторизация
*
*
Регистрация
*
*
*
Согласны с условиями сайта?
Генерация пароля