Яш алимлер иштагьландырыла


Магьачкъалада алдагъы гюнлерде Дагъыстан пачалыкъ техника университетде республикабызны яш алимлерини арасында «Умник» деген ярышны финал тирети оьтгерилген. Ярышны гьасиллерине гёре инг яхшы илму ишлер инновация проектлени яшавгъа чыгъарывда къолламакъ учун таклиф этилежек.



Инновациягъа кёмеклешив фондну вакили Елена Павлюченкону сёзлерине гёре, эсгерилген фонд яшёрюмлени, яш алимлени инженер ва техник яратывчулукъгъа гьаваслыгъын артдырмакъ учун къолундан гелеген гьаракатын болдура. «Умник» деген программа буса яшёрюмлени якъламакъ ва ругьландырмакъ учун иш гёре. Дагъыстан Республикада иш гёреген 7 йылны ичинде буса 129 яш алимге кёмек этилген.



Е. Павлюченко, бу йыл республикабызны яш ахтарывчуларындан ярышда ортакъчылыкъ этмек учун 44 арза гелгенни ва оланы арасындан илму-техник экспертизаны тергевюнден сонг 40 проект финалгъа чыкъгъанны эсгерди. Финалда ортакъчылыкъ этмек учун гёрсетилген проектлер медицинагъа, гьар тюрлю янгы технологиялагъа багъышлангъан. Финал учун проектлени айырагъанда, проектни гележегине ва авторну гьазирлик даражасына тергев этилген.



Уьстюн гелген проектлер 2019-нчу йылны башында белгили болажакъ. «Умник» деген ярышда уьстюн гелгенлеге проектлерин яшавгъа чыгъармакъ учун 500-ер минг манат берилежек.



Авторизация
*
*
Регистрация
*
*
*
Согласны с условиями сайта?
Генерация пароля