Ёлларда яшлар булан болагъан хатабалагьлар…

  

Пятница, 20.04.2018г. — «ЁЛДАШ».


Яшланы яшавун ва савлугъун сакълавну кёп тюрлю масъалалары бола. Яшланы хатабалагьдан сакъламакъ янгыз транспорт шартлар булан байлавлу болуп къалмай, оларда транспорт культураны да уятма герек бола.

 


Гьар айда Магьачкъала шагьарда ГИБДД-ни къуллукъчулары яшлар булан ёл низамны къайдалары гьакъында дарслар юрюте. Магьачкъала шагьарны ёл транспортун гьисапгъа алгъанда, яшлар хатабалагьгъа тарыйгъан гезиклер 2018-нчи йылда 19 керен болгъан. Шону натижасында 21 яшны савлугъуна тюрлю-тюрлю даражада зарал болгъан.



Гьакъылбалыкъ болмагъан яшлар – чинк де къорулмагъан ёл-транспорт агьвалатны ортакъчылары. Оланы савлугъу толу кюйде уллулардан гьасил бола. Шо саялы яяв юрюйгенлени аманлыгъын сакъламакъ Госавтоинспекцияны къуллукъчуларыны аслу борчу гьисаплана.



Ёлларда яшлар булан болагъан хатабалагьлар автомобиль транспорт булан байлавлу экени белгили. Олай гьал гьар агьлюге къайгъы гелтире. Ону себеплери де гёрюнюп тура. Огъар къошум гьисапда автомобиль гьайдайгъанланы культурасы ёкъну да эсгерме тюше. Олар яяв юрюйгенлени аслу гьалда тийишли ерлерде, ёлдан оьтме къоймайлар. Уллулагъа ошап, яшлар да светофор къызыл тюсде янагъанына да къарамайлы, бир-бир гезиклерде буса оьтме ярамайгъан ерлерден чыкъма да къарайлар. Шо буса – ёл низамны бузагъан себеп.



Гьюрметли ватандашлар! Бизин яшлар гьакъыллы, гючлю, савлугъу булангъы адамлар болуп оьсежеги бизден гьасил бола. Автомобиль гьайдавчулар, сакъ болу­гъуз, къоркъунчлу гьалдан сакълайгъан алатланы, яшланы сакълайгъан хас къуралланы гьакъында унутмагъыз!



 

Радик Гьапизов,

Магьачкъала шагьарны ГИБДД-сини старший лейтенанты.



Авторизация
*
*
Регистрация
*
*
*
Согласны с условиями сайта?
Генерация пароля