Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Уьч тюслю пачалыкъ байракъны гюню

Уьч тюслю пачалыкъ байракъны гюню



Бизин уьлкеде гьар йыл август айны 22-синде оьтгерилеген байрамгъа «Россия Федерацияны Пачалыкъ байрагъыны гюню» деп айтылагъанын кёбюсю ватандашлар билмей тюгюл. О гьакъда Россияны Президенти 1994-нчю йылны август айыны 20-сында Указ чыгъаргъан. Биринчи керен уьч тюслю байракъ август айны 22-синде 1991-нчи йылда Москвада Акъ уьйню уьстюнде гётерилгенин де эсли ватандашлар унутма­гъандыр. Шо гюнден берли, уьлкени оракъ ва чёкюк символикасы булангъы пачалыкъ къызыл байракъ тарихге гетген.


Биринчилей къызыл, гёк, акъ тюслю байракъ Россияны пачасы Алексей Михайловични девюрюнде орусланы «Орёл» деген 1667-1669-нчу йылларда къурулгъан биринчи дав денгиз гемесинде гётерилген деп гьисаплана. Тек, ону закон булан Биринчи Пётр белгилеген. О гьакъда ол 1705-нчи йылны январ айыны 31-нде Указ чыгъаргъан.


Байракъны тюслерини нечик маънасы бар экенин алимлер гьали де мекенли англатма болмай. Бирлери айтагъан кюйде, акъ тюс – тазалыкъны англата. Гёк тюс – намуслукъ. Къызыл – къоччакълыкъ. Къызыл тюс Ватан учун тёгюлген къанны исбатлай деген пикру да бар.


Болса да байракъны хас кюйде токъташдырылыву пача Экинчи Николайны аты булан байлавлу деп де айтыла.


1918-нчи йыл, апрель айда большевиклер Я.Свердловну сиптечилиги булан байракъдагъы уьч де тюсден бирин, къызылын къоюп, ону да оьз­лени инкъылап гьаракатыны тюсю гьисапда белгилеп алыщдыргъан.


Бизин уьлкеде пачалыкъ байракъны гюню ишлемейген гюн деп белгиленмесе де, шо гюн гьар ерде имканлыкъларына гёре байрам чаралар оьтгериле.


***


Дагъыстан Республиканы Башчысыны борчларын заманлыкъгъа кютеген Владимир Васильев дагъыстанлыланы Россия Федерацияны Пачалыкъ байрагъыны гюню булан къутлагъан. «Инанаман, гележекде де бизин уьлкени ва Пачалыкъ байракъны макътавлугъу артажакъ.


Бизге де, ата бабаларыбыз йимик, Дагъыстанны гележеги учун пайда береген алгъа барывну гьаракатын юрютме тарыкъ. Девюрден девюрге ич арада татывлулукъ сакълап, бирликде яшагъан ва янгы яшав учун загьмат тёгюп уьйренген Дагъыстанны халкълары шо гьаракатны артына чыкъма болажакъ», – деп айтыла республиканы ёлбашчысыны къутлавунда.


Политика бёлюк.



Количество показов: 260
Автор: YOLDASH.news
24.08.2018 14:00

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта