Сетевое издание «ЁЛДАШ» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Сетевое издание «Ёлдаш» (Спутник)

«Россияны дарсы» булан башланажакъ

«Россияны дарсы» булан башланажакъ


Билимлени гюню гьисапланагъан сентябр айны бири гьар йыл да янгы охув йыл башланагъанын белгилейген байрам гьисаплана. Охувчу яшлар ва муаллимлер учун билим берив ожакъланы посагъасындан биринчилей абат алагъан юзлер, минглер булангъы гиччипавланы яшавунда шо айрыча агьамиятлы агьвалат болуп токътай.


ДР-ни билим берив ва илму министерлигинден алынгъан маълуматлар аян этегени йимик, янгы охув йылда бизин республикада иш гёреген 1461 мактапда 400 мингден де артыкъ охувчулар билим алажакъ. Шолардан 40 мингге ювукъ гиччипав билимлени гьайран дюньясына биринчилей абат ала.


Янгы охув йылны биринчи гюню бизин республиканы бары да билим берив ожакъларында «Россияны дарсы» булан башланажакъ. Шоланы барышында муаллимлер булан бирче Бютюнроссия халкъ фронтуна къуршалгъанлар уьлкени тарихинде болуп гетген агьамиятлы агьвалатланы, олай да бизин республикадан чыкъгъан абургъа лайыкълы адамланы гьакъында айтажакъ деп къаравуллана.


Барыбызда билегенибиз йимик, савлай уьлкени оьлчевюнде де, бизин республиканы гьакимлик къурумларыны янындан билим берив тармакъгъа айрокъда артдагъы йылларда кёп тергев берилегени гьис этиле. Шо да эсгерилген тармакъдагъы гьалны яхшылашдырывгъа элтежегине инамлыкъ тувдура.


Бизин газетни къуллукъчуларыны атындан бары да охувчу яшланы ва муаллимлени янгы охув йылны башланыву булан къутлайбыз, олагъа уьстюнлюклер ёрайбыз! Къой, билимлени гюню саналагъан шатлы байрам гюн сизге бары­гъызгъа да янгы билимлеге ес болувгъа ёл ачсын. Шону булан бирге, гьалиге ерли сизин учун белгисиз къалып турагъан янгылыкъланы билмеге сизде иштагьлыкъ артдырсын. Муаллимлени де гьар гюнлюк жанлы гьаракаты оланы касбу якъдан оьсювюне, оьрлюклеге элтсин. Бирдагъы да янгы охув йылыгъыз къутлу болсун!



Количество показов: 408
31.08.2018 14:00
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта