Террорчулукъгъа къаршы комиссияны генгеши


Дагъыстан Республиканы Башчысы Вдадимир Васильев тасдыкъ этген графикге гёре ноябр айны 28-нде оьтгерилген Буйнакск районда болгъан террорчулукъгъа къаршы комиссиясыны генгешинде Дагъыстан Республиканы Халкъ Жыйыныны председатели Хизри Шихсайитов да ортакъчылыкъ этген. Гелгенлени арасында Дагъыстанны Башчысыны Орта территория округдагъы вакили Абидин Къарчыгъаев, республиканы парламентини депутатлары Баттал Батталов, Зумрут Бучаева да болгъан.



Генгешге Буйнакск районну ёлбашчылары, ихтиярлар якълав къурумланы вакиллери, ерли администрацияланы башчылары, билим берив идараланы ёлбашчылары да жыйылгъан болгъан.



Районну башчысы Камил Изиев билдирген кюйде, артдагъы йылларда Буйнакск районда террорчулукъ ва миллет аралыкъланы буза­гъан ишлер болмагъан. Тек шо янындан гьаракат кемимей. Аслу гьалда шолай асувлу чаралар школаларда охуйгъан яшлар булан, жагьиллер ва ата-аналар булан юрюле. Шо ишге ихтиярлар якълав къурумланы вакиллеринден къайры да, районну ичиндеги дин идараланы къуллукъчулары, жамият чалышывчулар, маълумат къуралланы къуллукъчулары да къуршалгъан.



Генгешни барышында оьзлени ишини гьакъында Буйнакск районну билим берив управлениесини начальниги Аида Залимханова ва полицияны Буйнакск район бёлюгюню начальниги Элдар Гьасанханов да айтгъан.



Дагъыстан парламентни спикери Хизри Шихсайитов англатыв этген кюйде, террорчулукъ юрютегенлер артдагъы йыллар районда оьзлени вагьши ишлерин юрютмеген деп рагьатланып къалма ярамай. Террорчулукъну республикада болмагъандай ёкъ этме тарыкъ. Гьаракатны осаллашдырма ярамай. Огъар къаршы ишге биринчилей оьрюм яшланы къуршама герек. Аслу иш, озокъда, районну ёлбашчыларына, юрт администрацияланы башчыларына тюше.



 

Максим Эсенбиев.



Авторизация
*
*
Регистрация
*
*
*
Согласны с условиями сайта?
Генерация пароля