Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

«Телеберилишлени сан яны къолайлашажакъ»


Хамисгюн, декабр айны 27-синде, «Дагестан» деген маълумат агентлигинде прес-конференция болду. Шонда ДР-ни маълумат, байлавлукъ ва коммуникация министри Сергей Снегирёв ва эсгерилген министерлигини бёлюгюню ёлбашчысы Юрий Абдулатипов республика маълумат къуралларыны мухбирлери булан ёлукъду. Оьтгерилген прес-конференцияны барышында бизин республиканы шагьарларында ва юртларында цифра телевидениеге гёчмек учун некъадар гьаракат юрюлегени гьакъда баянлыкъ берилди.


Инг алда С. Снегирёв билдиргени йимик, цифра телевидениеге гёчмек учун уьлкени оьлчевюнде тасдыкъ этилген программа къабул этилген. Эсгерилген шо программагъа ва Дагъыстанны Башчысы Владимир Васильев берген тапшурувлагъа гёре 2019-нчу йылны июн айыны 3-не бизин республикада цифра телевидениеге гёчюв толу кюйде тамамланмагъа тарыкъ. Бугюнлерде буса шо гьаракатны уьстюнлю кюйде яшавгъа чыгъармакъ учун алданокъ кютюлмеге тюшеген ишлер юрюлюп тура.


Ачыкълашдырып айтгъанда, бугюнлеге ерли бизин республикада цифра телевидениени гёчювге болушлукъ этеген 162 имарат къурулгъан. Шону натижасында буссагьатгъы вакътиде бизин республикагъа гиреген шагьарланы ва районланы аслам пайында цифра телевидениени къабул этивге байлавлу шартлар яратылгъан деп айтмагъа бажарыла.


Шо ишлер мекенли тамамлангъан сонг бизин республиканы ватандашлары гьакъ тёлемей 20 федерал каналдан гёрсетилеген телеберилишлеге къарамагъа болажакъ. Чинкдеси, гёрсетилеген телеберилишлени сан яны шайлы къолайлашажакъ.


Шондан къайры да, Акъуша, Лаваша, Табасаран ва Хунзах районларда ДР-ни маълумат, байлавлукъ ва коммуникация, олай да яшёрюмлеге къарайгъан министерликлери ватандашланы арасында цифра телевидениеге гёчювню агьамиятлыгъы гьакъда анг­латыв иш юрютюп тура. Шо ишде де гьар тюрлю гьаракатлагъа гёнгюллю кюйде къуршалагъан яш адамлар айрыча жагьлыкъ гёрсете. Шо ишни олар гележекде оьзге районларда да узатажакъ.


Ю. Абдуллатипов билдиргени йимик, бизин республиканы лап йыракъда ерлешген аз адамлар яшайгъан юртларында ва отарларында яшайгъанланы цифра телевидениени къабул этеген къураллар булан таъмин этивге де айрыча тергев берилежек. Нечик алай да, бизин ватандашланы уьйлеринде ишлейген гьар къайсы телевизор да цифра телевидение булан пайдаланып, берилишлеге къарамагъа имканлыкъ бермей. Олагъа да хас ясандырывланы сатып алмагъа тюшежек. Савлай уьлкеде йимик, бизин республикада да цифра телевидениени яшавгъа гийирив гьаракатгъа алдын берли де спутниклерден таба гёрсетив булан машгъул «Триколор», «МТС» ва оьзге компаниялар къуршалажакъ.   



Количество показов: 28
02.01.2019 10:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта