Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Испания дагъыстанлылагъа харс ура


Август айда Испанияда Дагъыстанны халкъ яратывчулукъ гюнлери оьтгерилген. Халкъара маданият аралыкъланы оьс­дюрювге багъышлангъан бу гьаракатны фольклор ва адатлы инчесаният фестивалланы оьтгереген халкъара совети, фольк­лорну халкъара къуруму оьтгере. Шо проектде бизин рес­публикадан «Эхо гор» деген фольклор бийив ансамбль ва Унцукульдан агъачны оюп сурат этеген уста М.Магьамматалиев ортакъчылыкъ этген.



Бизин ансамбль Испанияны Мурсия, Нарон, Вузела, Гувея йимик йигирма шагьарында болгъан ва отуз­дан да кёп концерт берген. Уста М.Магьамматалиев буса агъачны оюп сурат этивде оьзюню усталыгъын, бажарывлугъун гёрсетген.


Онда оьтгерилген «Уста Дагъыстан» деген выставкада табасаран халилер, балхар керамика, Гоцатлини хабалары, къумукъ тастарлар ва Дагъыстанны халкъларыны милли гийимлери гелгенлени тамашагъа къалдыргъан.


Фольклорну бу халкъара фестивалында бизин дагъыстанлылар булан бирче Мексикадан, Албаниядан, Кореядан, Польшадан, Венгриядан, Чилиден ва оьзге кёп пачалыкълардан фольк­лор ансамбллер ортакъчылыкъ этген. Гьар милли ансамблге айрыча бир гюн берилген. Португалияны фолия деген бийивю, бизин Дагъыстанны лезгинкасы, Испанияны сарабанда деген бийивю, Кореяны ва оьзге пачалыкъланы бийивлери къаравчуланы къурчун къандыргъан, гючлю харс урувларын къазангъан. Испанияда Дагъыстанны халкъ яратывчулукъ гюнлери янгыз бизин республиканы маданиятын, бийив усталы­гъын, фольклорун гёрсете туруп, савлай Россияны атындан да бу уллу фестивальда ортакъчылыкъ этип, испаниялыланы тамашагъа къалдыргъан, сюювюн ва разилигин къазангъан.



Бизин мухбирибиз.



Количество показов: 81
Автор: YOLDASH.news
07.09.2018 13:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта