Лап яхшы музейи булангъы школа


Магьачкъаладагъы «Россия–моя история» деген тарихи паркда Дагъыстанны школаларыны музейлерини экинчи республика конкурсу оьтгерилген. Бу конкурсда 30 школа музейлер ортакъчылыкъ этген. 5-нчи сентябрде конкурсну гьасиллери чыгъарылгъан.



Биринчи ерни ва биринчи даражалы диплом булан Ленингентдеги 35 номерли школаны музейи савгъатлангъан. Экинчи ерлени Акъуша районну Гьапшима школасыны, Гьайдакъ району Мажалисдеги школасыны ва Магьачкъаланы 50 номерли школасыны музейлери алгъан. Уьч даражалы дипломлар булан Ногъай районну Карагас юртуну школасыны музейи, Хив районну Хореж юртуну ва Хасавюрт шагьарны бир номерли школасыны музейлери савгъатлангъан.



Хас савгъатгъа Дахадаев районну Кища юртдагъы лицейини, Лак районну Куркли юртундагъы школаны музейлери ес болгъан.



«Конкурсгъа гелген заявкалагъа къарап айтгъанда, Дагъыс­танны школаларында яхшы музейлер кёп. Шо агьвалат бизин сююндюре. Музейлер яш наслуну патриот ругьда тарбиялама, ата-бабаларыбыздан къалгъан яхшы адатланы уьйренме ва сакълама кёмек эте», – деген, уьст гелгенлеге савгъатлар тапшура туруп, милли политикагъа къарайгъан министрни заместители Гьарун Давутов.



Бизин мухбирибиз.

СУРАТДА: биринчи ерни алгъан Ленингентдеги 35 номерли школаны музейи.



Авторизация
*
*
Регистрация
*
*
*
Согласны с условиями сайта?
Генерация пароля