Магьачкъалада Милли антитеррор комитетни генгеши


Октябр айны 9-нда Дагъыстан Республиканы Башчысы Владимир Ва­сильев Россияны ФСБ-сини директору Александр Борт­никовну ёлбашчылыгъы булан Магьачкъалада оьтгерилген Милли терроргъа къаршы комитетни генгешинде ортакъчылыкъ этген.



Генгешде Россия Федерацияны Милли гвардия асгерини федерал къуллугъуну директору ва Россия Федерацияны Милли гвардия асгерини башкомандующийи Виктор Зотов, РФ-ни Ахтарыв комитетини председатели Александр Бастрыкин, Къоруп сакълавну федерал къуллугъуну директору Дмитрий Кочнев, РФ-ни ич ишлер министри Владимир Колокольцев, РФ-ни савлукъ сакълавуну министри Вероника Скворцова, Темиркъазыкъ-Кавказ федерал округну субъектлерини башчылары да болгъан.



Россияны Милли терроргъа къаршы комитетини председатели Александр Бортников билдирген кюйде, ихтиярлар якълав къурумланы гьаракаты булан оьтгерилген терроргъа къаршы ишлени натижасына гёре бу йылны оьтген вакътисини ичинде террорчуланы башгётеривлери Темиркъазыкъ-Кавказ федерал округну территориясында эки керенден де аз болгъан. Онгарылып турагъан 6 терракт оьз заманында аян этилген. Бандитлени 63-ю ва олагъа кёмек этеген 142 адам тутулгъан. 50 боевик оьлтюрюлген. Оланы арасында Мычыгъыш Республикада ва Дагъыстанда яшынагъан террор группаланы башчылары да бар.



Болса да, террорчулукъну ва экстремизмни идеологиясыны къоркъунчу адам арадан гьали де тайып битмей. Халкъара террорчулар Темиркъазыкъ Кавказгъа яйылма болагъанын унутма ярамай. Шону учун да бек сакъ турма тарыкъ. Террорчулар намарт ишлерин этмек учун токъташгъан ча­гъына етишмеген оьрюм яшланы къоллай. Оланы англавсузлу­гъундан пайдалана.



А. Бортников дагъы да эсгерген кюйде, профилактика ишни гючлендирме ва мекенлешдирме тарыкъ.



Максим Эсенбиев.



Авторизация
*
*
Регистрация
*
*
*
Согласны с условиями сайта?
Генерация пароля