Кёп тармакъланы къуршайгъан ярмакю

   

Пятница, 27.04.2018г. — «ЁЛДАШ».


Апрель айны 24-нде сатыв-алыв ва промышленный палатасыны ёлбашчысыны замес­тители Магьаммат Мусаев булан прес-конференция болду. Ол берген англатывгъа гёре, Дагъыстан Рес­публикада 2018-нчи йыл 25–27-нчи апрелде Магьачкъаланы Милли китапханасында «Деловой Дагестан – 2018» деген 15-нчи регионара ярмакю оьтгериле.


 


Ону онгаргъанлар гьисапда «Дагестан – ЭКСПО» деген республиканы ярмакю центры арагъа чыкъды. Огъар къол ялгъагъанлар ва ортакъчылыкъ этгенлер ДР-ни Башчысыны ва Гьукуматыны Администрациясы, Экономика ва территория ­оьсюв министерлиги, Промышленност ва энергетика министерлиги, Транспорт ва ёл хозяйство минис­терлиги, Маълумат, байлавлукъ ва коммуникация министерлиги, Маданият министерлиги, Топуракъ ва мал-матагь министерлиги, Далапчылыкъ ва инвестиция агентлиги, Магьачкъаланы шагьар администрациясы, Сатыв-алыв ва промышленност палатасы, «Магьачкъала шагьарны бизнес-жамият бирлешивю» болдулар.



Ярмакюню аслу бёлюклери: промышленност, машинлер къурув, транспорт, энергетика, телекоммуникация, экология ва от тюшюв къоркъунчлукъ, адамны сакълайгъан алатлар, маълумат технологиялар, инвестиция проектлер, инновация технологиялар, банклар, реклама ва полиграфия булан байлавлу масъалалагъа багъышлангъан.



Бу ярмакю янгы бизнес байлавлукъланы экономикасыны бёлюклерине инвесторлар чакъырмакъны, сан янлы малланы алгъа чыгъарывну, малны ва огъар этеген къуллукъланы оьсювюн якълай. Ону янгы технологияланы якълайгъаны, иш булан байлавлу программада ортакъчылыкъ этген адамдан янашывну талап этегени тергевню тарта.



Авторизация
*
*
Регистрация
*
*
*
Согласны с условиями сайта?
Генерация пароля