Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Къумукъ гимнни гьакъында


«Ёлдаш» газетни бу йыл 6-нчы апрелде чыкъгъан номеринде къумукъ гимнни гьакъында языла. Оьзюбюзню пикруларыбызны, ойларыбызны айтып сесленмеге чакъыра. Шо чакъырывгъа гёре мен де язаман.


 

Шарабутдин Сулеймановну гимнге язгъан куплетлерин мен охудум. Газетни алагъан оьзгелеге де сорадым. Охугъанлар да къаршы болду, охумагъанлар да табулду. Артдагъылагъа шо куплетлени оьзюм охудум. Тек гимнге салмагъа ушатагъан адам чыкъмады.


Ойлашаман, профессор Абдулкъадир Абдуллатипов айтгъан кюйде, мунда миллетни масъалалары да гётерилме, йырланма тарыкъ. Бу сатырларда аз буса да тарих де эсгериле. Гьали болгъанча гелген халкъгъа бавун берме, уьйлер къурма шиъруну автору рази буса да, халкъ разими? Болгъан буса да терс ишни гимнге саламы? Къайда бу сатырлардагъы алгъа талпынагъан ругь, къаркъараны къанын къайнатагъан гьислер? Бу сёзлени гьакъында профессорлагъа, шаирлеге бирдагъы да гьар тюрлю янындан ойлашмакъны тийишли гёремен. Бизин къумукъ адабиятда дагъы да гючлю сёзлер бар чы. Бу сатырланы шиъру гьисапда нечакъы да къоллама ярай.


Газетни 20-нчы апрелдеги номеринде гимнни гьакъында Рауф Магьамматовну критика гёзден янашагъан сесленивю бар. Мен де шону якълайман. Конкурс билдирме тарыкъ.


Сюймей чыкъгъан ёл тюзелмей. Ушатмагъан аш къурсакъ этмей. Маънасы етмеген сёзге гюч етмей. Макъамы къыйышмагъан йыр да янгырмай. Сюемен Къумукътюзде къумукъ гимн янгырып согъулгъанны. Айып да этмегиз.



 

Гьюрмет булан Абзагьир Садрутдинов.



Количество показов: 240
Автор: YOLDASH.news
29.06.2018 16:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта