Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Дагъыстанны  яшёрюмлери – коррупциягъа къаршы

Дагъыстанны яшёрюмлери – коррупциягъа къаршы


Тюнегюн, декабр айны 13-нде, Магьачкъала шагьардагъы «Россия–Мени тарихим» деген тарих музейни конференц-залында яшёрюмлени коррупциягъа къаршы 2-нчи республика форуму оьтгерилди. Форумну чараларында ортакъчылыкъ этмеге Дагъыстанны оьр охув ожакъларыны студентлери, яшёрюмлени жамият къурумларыны вакиллери жыйылгъан эди. Коррупциягъа къаршы иш гёрмекни янын тутагъан яшёрюмлер форумну ортакъчыларын ва къонакъларын: «Янгыз бирче биз коррупцияны алдын алып болабыз!», «Коррупциягъа ёкъ деп айтайыкъ!» ва шолай чакъырывлар булан къаршылады.


Яшёрюмлени коррупциягъа къаршы форумуну башланывунда ону ачылыву булан Дагъыстан Республиканы яшёрюмлерини ишлерине къарайгъан министри Камил Сайитов, Дагъыстан Республиканы прокуроруну борчларын заманлыкъгъа кютеген Алексей Ежов, ДР-ни Башчысыны ва Гьукуматыны Администрациясыны коррупциягъа къаршы иш гёреген управлениесини ёлбашчысы Ибрагьим Ибрагьимов, «Мени Дагъыстаным» деген конкурсну утгъанлардан бири Тимур Саркаров къутлады.


Яшёрюмлени коррупциягъа къаршы форумун оьтгеривню мурадыны гьакъында айта туруп, ДР-ни яшёрюмлени ишлерине къарайгъан министри Камил Сайитов булай деди:


–Яшёрюмлени коррупциягъа къаршы форумун ватандашланы, айрокъда яшёрюмлени арасында коррупцияны аламатларына, белгилерине ёл бермейген гьа­къылгъа гелсин, коррупциягъа ёл бермесин деген мурат булан оьтгеребиз. Форумну алдында Дагъыстан Республиканы бары да оьр охув ожакъларында, районларында коррупциягъа къаршы «дёгерек столлар», конференциялар оьтгерилди.


Коррупциягъа къаршылыкъ билдирме жыйылгъан яшёрюмлени алдында Бютюнроссия халкъ фронтуну яшёрюмлерини бёлюгюню ёлбашчысы Равидин Абдурагьимов яшёрюмлени коррупциягъа янашывуну гьакъында оьзюню ойларын аян этди. ДР-ни савлукъ сакълав минис­терлигини пачалыкъ къуллугъуну управлениесини бёлюгюню ёлбашчысы Диана Керимханова савлукъ сакълав тармакъда коррупцияны алдын алыв чараланы гьа­къында сёйледи.


Форумну иши хас секцияларда яшёрюмлени докладлары булан узатылды.



Количество показов: 453
14.12.2018 13:20
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта