Яшлар ял ала

 «Солнышко» деген ял алыв лагер 1979-нчу йылдан берли ишлей. Артдагъы эки йылны ичинде мунда яшлар къабул этилмей турду. Лагерни бу йылгъы сезонгъа бек арив онгаргъанлар. Яшлар мундагъы мекенли этилип ишленген арив биналаны ичлеринде дёртер-бешер болуп тура. Лагерни къышгъа иситив ясандырывлар да къурашдырылгъан. Яшланы бош заманын арив оьтгермек муратда вожатыйлар, лагерни оьзге къуллукъчулары олагъа оьзлени къастын болдура, тюрлю-тюрлю конкурслар, спорт ярышлар, музыкалы ахшамлар оьтгере. Лагерни китапханасы, татывлу ашлар биширеген ашханасы, волейбол, футбол, баскетбол ойнайгъан майданчалары бар.

Биз гелген гюн лагерни старший вожатыйы Ю. Умаров оьзюню ёлдашлары да булан, гиччи чагъындагъы яшланы актив кюйде къуршап, пайдалы чараланы оьтгерип тура эди. Бир якъда буса яшлар гьайт деп чартлатып лезгинка бийий. Бизин тергевюбюзню тартгъан бу яшлар Къоркъмаскъаладан гелген «Сарихум» деген белгили бийив ансамблдеги яшлар болгъан экен. Олар мунда сав яйны боюнда ял алгъан. Шо бир вакътини ичинде яшлар бийивлени де унутмай, репетициялар гьар гюн йимик бола. Ансамбль бираздан Къалмукъстан республикада оьтгерилежек фестивальгъа баражакъ.

Лагерни директору Ю. Юсупов бизге айтгъан кюйде, мунда бир яйны ичинде 360 яш ял алгъан. Бу йыл гелген яшланы арасында Буйнакск районну Оьр Жюнгютей, Къадар юртларында турагъанлары да бар. Магьачкъаладан, гьатта Москвадан гелген яшлар бар экени белгили болду.

.

Оьз мухбирибиз.

М-Гь. ЗАЙДИНОВ чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля