Суратлар шагьатлыкъ эте

Камил Чутуев Къазикъумукъ районну Кумух деген юртунда 1937-нчи йылда тувгъан. 1961-нчи йылдан берли гьар тюрлю печат къуралларда ва музейлерде ишлеген. Ол чыгъаргъан кёп санавдагъы суратлар 11 альбомгъа топлангъан. Ол 30-дан артыкъ жыйым ва айры сурат выставкаланы ортакъчысы гьисапда да танывлу.

Оьзю автор журналистлени соравларына жавап бере туруп, айрокъда табиатны, сонг да тамазаланы суратларын чы­гъарып, къаравчулагъа малим этме муштарлы экенин эсгерди ва булай деди:

– Бу выставкада ерлешдирилген суратлар печат къуралларда чыкъса да, булай выставкада биринчилей гёрсетиле. Мен айрокъда юртлу тамазаланы суратларын гьазирлеп, бизин яшавубуздан аста-аста «гетип» барагъан мюгьлетлени гёрсетме, шо мюгьлетлени суратда сакълама къаст этемен. Суратлар къара-акъ тюсде экенлиги де шону булан байлавлу.

Камил Чутуевни гезикли выставкасы булан ДР-ни маданият министрини заместители М. Гьажиев, П. Гьамзатованы атындагъы инчесаниятны музейини директору С. Гьамзатова, суратчы Гь. Зургалов ва башгъалар къутлады.

Бизин мухбирибиз.

Авторизация
*
*
Регистрация
*
*
*
Согласны с условиями сайта?
Генерация пароля