Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Редакцияда ёлугьув

Редакцияда ёлугьув

Оьтген жумада ону яшавун ва яратывчулугъун ахтарывчу, муаллим Исламия Латыпова бизин редакцияда къонакълыкъда болду. Баш редакторну кабинетинде бизге де, гелген къонакъгъа да пайдалы лакъыр юрюлдю. И. Латыпова оьзю юрютеген ахтарыв ишни гьакъында ва Дагъыстанда болгъан ёлугъувларыны гьакъында хабарлады.

– Дагъыстанда къайсы юртгъа, шагьаргъа барсам да, мени бек арив къаршылайлар. Бырынгыдан берли къумукъланы да, татарланы да дос аралыкълары болгъанны ва гьали де барны мен гьар болгъан ёлугъувда сеземен. Шо аралыкъланы бирден-бир артдырмагъа яш наслугъа да насип болсун. Январны башында гелдим. Дин управлениеде болдум, Агьмат гьажи булан ёлукъдум. «Рисалат холдингни» генеральный директору булан ёлукъдум. Сонг Къарланюртгъа бардым. Онда Волгоград шагьарны алдагъы муфтийи Рашит Оьлмесовну наслусу яшай. Мени сизге гелмеклигимни аслу себеби, 17 асруда Тажетдин Ялсыгулов Яхсайны медресесинде къумукъ яшлагъа дарс берген ва жагьил заманында онда яшагъан. Яхсайда болдукъ. Тек ону гьакъында бир документ де табылмады. Тарих дарсланы юрютеген муаллим Бурлият Ибрагьимова булан ёлукъдукъ. Онда билинген кюйде, эсги Яхсай 1825-нчи йыл бузулгъан. Биздеги маълуматлагъа гёре Тажетдин Яхсайда 1826-27-28-нчи йылларда болгъан. Гьалиги Яхсайда ону таныгъан, ону гьакъында эшитген уллу чагъындагъы адамлар да ёкъ. Башир шайыхны къабуруна бардыкъ. Яхсайда ону бешинчи наслусу яшай. Межитни имамы булан лакъыр этдик. О замангъы документлени тапма чы нечик де къыйын. Ону таныгъанланы, ону гьакъында эшитгенлени де тапма болмай.
Бирдагъы, бизде бар маълуматлагъа гёре, Тажетдин Ялсыгулов Эндирей къасаласында охугъан деп язылгъан. Къасаласы къаласы болма да ярай. Биздеги илмулар академияны маълуматына гёре ону белгили алим Кумуки охутгъан. Кумуки ким болгъан, билмеймен. Ахтарма, излеме кёп белгисиз атлар, маълуматлар бар. Мен къумукъ охувчулар учун уллу алимибизни, язывчубузну гьар тюрлю дин китапларда ёлугъагъан атларын да, ол язгъан асарланы атларын да эсгерме сюемен. Таджетдин Ялсыгул Аль-Башкорди (Ялсыгулов Таджетдин Ялсыгул-улы; Таджеддин Ялчыгул ал-Булгари; Тажетдин Ялсыгол ал-Башкорт; Таджетдин Ялчыгол; 1768–1838 йй.). Ону лап белгили асары «Таварих-и Булгария» (1805 й.). «Рисалия-и Газиза» (1795 й.).
Къумукъ-татар-башкир дос аралыкълар Тажитдинни заманында да, ондан алда да ва гьалиги заманда да юрюлюп тура. Шо аралыкъланы ахтармакъ, билмек де тарихибизни байындырмакъ бола, яш наслугъа шо байлыкъны тапшурмакъ бола. Сиз этген кёмек учун да Аллагь рази болсун.
Уфадан гелген къонакъ булан савболлаша туруп, баш редактор огъар «Къумукъ энциклопедия словарны» савгъат этди ва Исламияны оьтесиз сююндюрдю. Ахтарывчугъа бизин алимлер булан байлавлукъ тутма кёмек де этдик.
Количество показов: 694
17.01.2014 14:16

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта