Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Пагьмулу яшланы ярышы

Пагьмулу яшланы ярышы

Артдагъы ёлугъувгъа олар районну бары да школаларында орус ва милли тиллерде хабарлар, шиърулар ва макъалалар язагъан охувчу яшланы жыйгъан эди. Шонда ортакъчылыкъ этмеге «Буйнакские известия» деген газетни баш редактору, шаир А. Залимхановну, «Дагестанская правда» деген газетни бёлюгюню башчысы С. Исрапилованы, «Халкъны сеси» деген район газетни мухбири Н. Арсланованы да чакъыргъан эдилер.
Оланы гьариси гьар тюрлю жанрлагъа гёре оьзлер билеген затланы яшлагъа англашылагъан кюйде хабарладылар. Шо гюн яшлар булан яратывчулукъ ишни сырлары гьакъда ачыкъ ва эркин кюйде лакъыр юрюлдю. Залда олтургъан уллулар булан яшлар мунда айтылгъан гьар сёзге дегенлей кёп къулакъасып тынгладылар.
«Юрекде муштарлыкъ ва «жыжым» болгъан сонг, бир затгъа да къарамай языгъыз, къаныгъывлукъ ва тилни байлыгъын билегенлик пагьмуну дагьнилендиреген затлар экенни унутмагъыз. Пагьмуну Яратгъаныбыз кимге буса да бермей. Гьакъыллы китапланы кёп охугъуз. Шолар сизин пагьмугъузну иттилешдирип, чеберликге етмеге сизге имкан да берир…», – деген меселдеги ёравланы чыгъып сёйлеген ёлдашлар пагьмулу яшлагъа багъышладылар.
Сонг орус ва милли тиллерде яшлар язгъан макъалалар, шиърулар, хабарлар гёзден гечирилди. Къумукъча язылгъан хабарлагъа ва макъалалагъа гёре Тёбен Къазанышдагъы 3-нчю школаны 8-нчи класыны охувчусу Ж. Ибрагьимовагъа 1-нчи ер, 2-нчи ер де шо школада 6-нчы класда охуйгъан Х. Жагьбаровагъа, 3-нчю ер буса шо школадагъы 4-нчю класны охувчусу Ш. Дагьировгъа берилди.
Поэзия ярышны жамына гёре шо 3 номерли школаны 9-нчу класыны охувчусу М. Акаевагъа 1-нчи ер берилди. 2-нчи ерни буса Къазанышдагъы 3 номерли школаны охувчусу М. Ибрагьимова ва Такъалайдагъы 11-нчи класны охувчусу Р. Касимов пайлап алдылар. 3-нчю ерлер де Тёбен Жюнгютейдеги школадан Б. Гьажихановагъа (7-нчи клас), шо школадан Ж. Черкесовагъа (7-нчи клас), Тёбен Къазанышдан М. Темирхановагъа (4-нчю школа, 11-нчи клас) тийди.

Оьз мухбирибиз.
Суратларда: «Илгьам» деген яратывчулукъ ярышны
мюгьлетлери.

Количество показов: 813
14.02.2014 15:09

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта