Ногъай оркестр – Бабаюртда

–Аявлу дос ва къардаш болгъан бабаюртлулар, биз сизге бугюн янгы йырларыбызны, макъамларыбызны, бийивлерибизни савгъат этебиз. Сизге насип, савлукъ, ортакъ элибиз Дагъыстангъа парахатлыкъ, берекет ёрайбыз,–деди концерт программаны уста кюйде юрютген РФ-ни маданиятыны ат къазангъан къуллукъчусу Сакинат Абубекирова.

Бу яратывчу коллективге Дагъыстанны ва Къарачай-Чергесияны ат къазангъан артисти Ягьия Худайбердиев кёп йыллар ёлбашчылыкъ этип турду. Артдагъы уьч йылны ичинде буса ону уланы Бекмурза Худайбердиев ёлбашчылыкъ эте. Ол Аштархандагъы консерваторияны битдирген. Бу оркестрны Дагъыстандан къайры Къарачайда, Мычыгъышда, Ставрополь крайда, Аштархан областда яшайгъан ногъайлар яхшы таный. Коллективде ишлейген яш дирижёрлар Анвар Гьажибаев, Къызылгюл Худайбердиева ва Гелдимурат Къуруптурсунов концертни вакътисинде оьзлени бажарывлугъун, пагьмусун гёрсетме болду.

Ягьия Худайбердиев «Гёзел Къырым» деген йырны йырлап, къаравчуланы харс урувларын къазанды. Къызылгюл Худайбердиева йырав гьисапда да француз тилде ва къазах тилде йырлар йырлап къаравчуланы разилигин алды.

Концертни ахырында «Ногъай эл» деген жамият къурумну оьр советини члени Яраш Биймурзаев ва Бабаюртдагъы инчесаният школаны ёлбашчысы Садия Даветеева къаравчуланы разилигин алгъан оркестрны коллективине баракалла билдирди.



Б.Гьажигелдиева.


Авторизация
*
*
Регистрация
*
*
*
Согласны с условиями сайта?
Генерация пароля