Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къызылюртда маданиятны йылы ачылды

Къызылюртда маданиятны йылы ачылды

Шатлы агьвалатда Къызылюрт шагьар администрацияны башчысы Алмаз Беков, ону орунбасарлары Садрутдин Жафаров ва Алибек Алиболатов, жамиятны ва ветеранланы бирикген советини председатели Гьасан Омаров, яратывчулукъ интеллигенцияны вакиллери ортакъчылыкъ этди. Жыйылгъанлагъа къутлав сёзлер айта туруп, Алмаз Беков:
– Гьалиги наслуну борчу – алдан гелген маданият тарихи байлыкъны унутмай, шону артдырмакъны гьайын этмек, – деди. – Маданиятны йылында бизин алдыбызгъа уллу борчлар салынгъан, – деп ол узатды. – Ата-бабалардан къалгъан маданият варислигибизни дагъы кемиме къоймай, биз артдырма герекбиз. Ону булан бирге, маданият ожакъланы ишин жанландырма, оланы тарыкълы алатлар булан тамин этме, яратывчулукъ учун онгайлыкълар болдурма, демек, шагьарлыланы ишден сонг ял алывун яхшылашдырма тюшежек.
– Маданиятны оьсювюне федеральный оьлчевде къаралагъанына бек шатбыз, – дей шагьар администрацияда маданияны ва яшёрюмлени ишлерине къарайгъан бёлюгюню начальниги Зина Аминова. – Оьтген йылда этилинген гёрмекли ишлени гьакъында айтса, шагьарны 50 йыллыгъын оьтгерив, Р. Гьамзатовну 90 йыллыгъына багъышлангъан агьвалатлар, интернационалист борчун кютгенлеге эсделик белги ачыв, Дагъыстанны ва Россияны язывчуларыны союзуну ортакъчылары булангъы ёлугъув, асгер бёлюкню алдында оьтгерилген концерт ва башгъалары айрыча эсде къалардай болду.
Маданиятны йылына багъышлангъан концертге де бек мукъаятлы гьазирлик гёрюлген эди. Концерт программаны бийив булан 5 номерли гимназияны «Солакъ» деген ансамбли ачды, Бавтогъайдан буса къызъяшланы «Каскад» деген бийив ансамбли гелген эди.
«Утренняя звезда» деген конкурсну ортакъчылары Айзанат Абукъаева, Алина Муртазалиева ва Патимат Магьамматова, 5 номерли гимназияны охувчусу Марьям Исаева гьариси бир йыр йырлады.
Дагъыстанны ат къазангъан артистлери Патина Сираева, Зугьра Магьамматова, Завур Цахилаев, Гьажилав Гьажилаев, шолай да Абдул Магьамматов, Шагьрузат Абдулкъадырова ва Асият Жаналова ортакъчылыкъ этдилер.
Шатлы агьвалатгъа жыйылгъанлар янгыз концертге къарап къоймады, администрацияны ичинде яшланы инчесаният школасыны выставкасы бар эди. Шонда олар яшлар этген суратлагъа къарама да болдулар.

Г. КЪОНАКЪБИЕВ,
оьз мухбирибиз.
Суратда: Къызылюртда маданиятны йылына багъышлангъан
концертден гёрюнюш.

Количество показов: 510
07.02.2014 16:37

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта