Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къонакъланы ашы да, къашы да булан къаршыладылар

Къонакъланы ашы да, къашы да булан къаршыладылар


Шо гюн Азербайжанны Магьачкъаладагъы милли-культура автономиясыны председатели Ракиф Азизов лакъырын башлады:

–Бырынгъыдан берли эки де хоншу рес­публикаланы арасында татывлукъ болуп гелген. Биз, шо янланы да гёз алгъа алып, булай байрамны бу йыл экинчилей оьтгеребиз. Бугюнгю агьвалатгъа биз кёплени къуршап гьазирлик гёрген эдик. Бираз алда да Азербайжанда Дагъыстанны культурасыны гюню оьр даражада болду. Мен Дагъыстанда яшайгъаныма сююнемен.

Бизин Азербайжан Республиканы Президенти Илгьам Алиев булан оьктем болабыз. Ол бизге, азербайжанлылагъа, къайда яшай бусагъыз да, шо турагъан еригизни законларына, маданиятына, халкъына гьюрмет этме тарыкъсыз деп айтгъан.

Бизин хабарыбызгъа къошулгъан Дос­лукъ уьюню милли согъув алатларыны лабораториясыны баш методисти Марат Бинетов, лакъырыбызны толумлашдыра туруп, оьзюню пикрусун айтды:

–Биз гьар агьамиятлы агьвалатлагъа багъышлап гьар тюрлю республикаларда шатлы мажалислер оьтгеребиз. Алдагъы гюнлерде бизде Тифлисни культурасыны гюню болду. Бизге Москвада, Тифлисде яшайгъан грузинлер гелип ортакъчылыкъ этип гетдилер. Олай ёлугъувларда биз «дёгерек столлар» оьтгеребиз, культураны гьакъында лакъыр юрютебиз.

Дагъыстанны Башчысы бары да минис­терликлеге кагъызлар бакъдыргъан эди. Олар да бизин бугюнгю гьаракатыбызны якълап, болагъан кюйде кёмек этдилер. Булай байрамлар адамланы бир-бирине ий эте, дослукъну тамурларын генг кюйде яя. Бир вакъти биз барыбыз да бир пачалыкъны ватандашлары эдик чи.  

–Булай чараланы пайдасы, натижасы боламы?

–Озокъда бола. Биз бир-бирев булан къатнайбыз, бир-биревню гьакъында дагъы да ерине етишдирип хыйлы къужурлу маълуматланы билебиз. Культура буса – барыбызны да ортакъ тилибиз. Шо бизин бир-биревге исиндире, ювукъ эте. Политика политика булан, простой халкъ буса, оьзлени адат-къылыгъын сакълап, биревге де хатиржанлы болмай яшама сюе.

Къызышып макъамлар согъулуп йибергенде, биз шатлы чараны ачылывуна къулакъасма ювукъ болдукъ. Ери гелгенде эсгерип де къояйым, бу байрамны Да­гъыстанны милли политика министерлиги Азербайжанны ерли милли-маданият автономиясы булан бирликде оьтгерди. Бу шатлы жыйынны Дагъыстанны ва Азербайжанны аралыкъларын дагъыдан-дагъы беклешдирмек ва оьсдюрмек мурат булан да оьтгере эдилер.

Столланы уьстюн айрыча татывлу чайы ва татлиликлери булан безендирмесе, азербайжанлыланы иманы дурус болмай. Бу гезикде де олар арив столлар къуруп, къонакъланы ашы да, къашы да булан къаршыладылар. Сонг шатлы мажлисни къутлав сёз булан Дагъыстанны милли политика министрини заместители Гьарун Давутов ачды:

–Мен сизин барыгъызны да байрам булан къутлайман, сизге насип, савлукъ, эсен-аманлыкъ ёрайман, – деди ол. Ондан сонг чыгъып сёйлеген Ракиф Азизов оьзюню ана тили азербайжан тилде кёп маъналы ёравларын айтды.

Артда буса мукъаятлы кюйде гьазирлеген концерт программасын гёрсетдилер. Шонда ортакъчылыкъ этген Азербайжанны пачалыкъ драма театрыны артистлери, йыравлары Элдар Мамедов, Роксана Гьасанова ва оьзгелери халкъны шайлы гёнгюн ачдылар. Гьатта адамурлукъ орталыкъгъа чыгъып, азербайжан кюйлеге бийип, завх этдилер.

Бу чараны лап да бек таъсирли, эсде къалгъан ери Азербайжан Республикадан уьч гюнге деп гелген гёзбавчу Мистер Илгьамны фокуслары эди. Ол оьзюню усталыгъы булан мени де, оьзгелени де бек гьайрангъа къалдырды.

Байрамны ахырында Дослукъну уьюню ёлбашчылары байрамда ортакъчылыкъ этген яратывчулукъ коллективлеге, артистлеге, йыравлагъа ва оьзгелеге баракалласын билдирдилер.

Байрам геч болгъанча узатылынды.

 


Паху ГЬАЙБУЛЛАЕВА.

СУРАТДА: байрамдан гёрюнюш.




Количество показов: 377
03.06.2016 14:20

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта