Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къаравчулар рази къалды

Къаравчулар рази къалды


Сурат этив саниятны герти багьасын билегенлер учун Бадавутдин Суваков оьзюню бажарывлу къоллары булан гьазирлеген 30-гъа ювукъ суратланы ва порт­ретлени выставкасын тизип онгаргъан. Айланабыздагъы гёзел табиатны, юртланы гёрюнюшлери, бизин яшавубузда белгили гьыз къойгъан гьакъыллы ва саламат адамланы келпетлери Бадавутдинни яратывчулугъуну оьзеги болуп токътай. Ол этген гьар сурат ичинде жаны бардай, муна гьали учуп гетме турагъандай болуп гёрюне.

– Бизин халкъгъа къуллукъ этме белсенген, гьакъылы да, саламатлыгъы да, иттилиги де арив барышгъан замандашларыбызны келпетлерин кёп сююп язаман, – дей Б. Суваков бизин булангъы лакъырында. – Оланы суратларын эте бусам, оьзюмню-оьзюм язагъанда йимик гьис этемен.

Гертиден де, пагьмулу сурат этивчю гьар тюрлю боявлар булан ишлеп билме, балчыкъны ийлеп-ясап, оьзю ойлашгъан къалипни жанландырып бажарма да борчлу. Ол яратгъан асарларда асруланы тарихини байлавлугъу, аламны ва адамны бирлиги гьис этилмеге де тюше.

Бадавутдин – тувмадан пагьмулу художник деп айтса да ярайгъан адам. Ол Халимбекавулдагъы орта школаны 8 класын битдирип, Избербашдагъы чебер училищеге охумагъа тюшген. Ондан сонг Магьачкъаладагъы педагогика институтну чебер-графика факультетин битдирген. Яратывчулукъ иш булан мекенли кюйде машгъул болгъандан къайры, нече тюрлю выставкаларда да ортакъчылыкъ эте. Буйнакск районну 90 йыллыкъ байрамы белгиленегенде ол Буйнакск шагьарны Центральный стадионунда онгарып тизген сурат выставка буссагьатда да къаравчуланы эсинде. Уьстевюне, Бадавутдинни татывлу агьлюсюнде тарбия-билим алгъан дёрт де авлети, атасыны ёлун тутуп, мекенли кюйде узаталар. Озокъда, пагьмулу уста учун ондан уллу савгъат болмас.

Шо гюн Б. Суваковну къанатлангъандай чебер ишлерине сукъланып къарайгъан Дагъыстанны халкъ шаири Шейит-Ханум Алишева, йыракъ Ханты-Мансийскидеги Пыть-Ях шагьардан гелген къумукъланы жамиятыны вакиллери Гуля Бектемирова ва Рашит Гьажимурзаев, ДР-ни пачалыкъ къуллугъуну ва РФ-ни маданиятыны ат къазангъан къуллукъчусу Разия Жамболатова оьр къыймат бердилер.

Выставкагъа къарап тоюп битмеген къаравчулар театрны уллу залында буса тёбенжюнгютейли йырав, «Дагъыстанны халкъ артисти» деген оьр атгъа лайыкълы болгъан Руслан Загьировну чыгъышын къаравуллап токътагъанлар.

Концертни ача туруп, Буйнакск ра­йонда иш гёреген «Темир-Хан-Шура» деген халкъ-хореография ансамблини коллективи жыйылгъанланы тазза къурчун къандырып бийидилер.

Ондан сонг Руслан Загьиров сагьнагъа чыгъып, къаравчулар булан исси кюйде саламлашды ва ата юртуна багъышлангъан йыры булан концертни ачды.

Халкъ артистни къутлама гелген Буйнакск район администрацияны башчысыны заместители Гьажимурат Ражбутдинов ва райондагъы маданият центрны ёлбашчысы Рукъуят Иразутдинова йыравгъа къутлав сёзлер, багьалы савгъат багъышладылар.

Къаравчулар Руслан Загьировну ажа­йып ангына, ону къутлама гелген оьзге йыравланы къужурлу ва маъналы йырларына тынглап, тазза леззет алып турдулар. Концерт битгенде, тынглавчулар халкъ артистни къайнар харс урувлары ва гюл байламлар булан узатдылар.



Казим КАЗИМОВ.

М. Гь. ЗаЙДИНОВ чыгъаргъан сурат.



Количество показов: 404
02.09.2016 14:07

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта