Баракалла кагъыз

Газетибиз чыгъагъан гюн Къумукъ театрны директоруну заместители Салавутдин Мусалаев де, жамият чалышывчу Гьюсен Адилов да редакцияда болду. Баш редакторубуз Камил Алиевге театрны баракалла кагъызын тапшурду. Онда булай язылгъан:

«Ёлдаш» газетни баш редактору Камил Магьамматсалигьович Алиевге! Театр культураны оьсю­вюне этген уллу къошуму учун ва Къумукъ театрны яшавунда, яратывчулугъунда актив кюйде ортакъчылыкъ этгени учун».

–Биз «Ёлдаш» газет, Къумукъ театр, радио, къумукъ журналларыбыз миллетибизни оьктемлиги болуп юрюйген къураллар деп гьисап этебиз, – деди С.Мусалаев. – Къумукъ миллетни тарихин ахтарывда ва халкъына етишдирмек муратда этеген гьаракаты учун газетибизге, онда ишлейген къуллукъчулагъа, айрокъда «Временада» чыгъагъан материаллар учун гьакъ юрекден баракаллабызны билдиребиз. Камил Магьамматсалигьович, бу ишде сизин айрыча къошумугъуз бар. Къумукъ театрны ва оьзюмню атымдан сизин шу баракалла кагъыз булан савгъатламакъны тийишли гёрдюк. Янгы йылы­гъыз къутлу болсун. Гелеген йылда бары да муратлагъа етишме Аллагь насип этсин.

Бизин мухбирибиз.

Авторизация
*
*
Регистрация
*
*
*
Согласны с условиями сайта?
Генерация пароля