Санавлар

  

Пятница, 13.04.2018г. — «ЁЛДАШ».


Санавланы сыйлагъан


Кёп пайда, хайыр табар.


Нольдан мен онгъа ерли


Башлайман гьали хабар.


 

0


Ноль о тарыкъсыз тюгюл,


Пешемей къойма оьзюн.


Осуз онлукъ да болмай,


Айтмагъа тюшсе тюзюн.


 

1


Бир санавну таныдым


Къайтыкъ буруну булан.


Аркъасын тонкъу этмей,


Тюз тутгъан йимик улан.


 

2


Эки ошагъан къазгъа,


Оьктем гётерген башын.


Яшлар язма уьйрене,


Ону тюймейли къашын.


 

3


Уьчню арив язмагъа


Бирев къалмас болмагъан,


Бир-бирине миндирсе,


Эки айны толмагъан.


 

4


Бираз да къыйын тиймей


Дёртню бир де язмагъа.


Гьыз булан тюз мююшню


Унутмасанг гьызмагъа.


 

5


Беш санавгъа етгенде –


Башгъа гийген къалакъай.


Ону язмагъа тюше


Къурсакъ чыгъартып алай.



 

6


Алты санав – дёгерек,


Уьстде узун къармагъы.


Санамагъа етишмей


Бир къолумну бармагъы.



 

7


Бир бутдан эретургъан


Мен билген санав – етти.


Бурлугъуп къарагъанда,


Чалгъыгъа ошап гетди.



 

8


Сегиз – эки дёгерек


Къошулуп язылагъан.


Бири-бирине ошап,


Теппе-тенг гьызылагъан.



 

9


Гёр, алты тогъуз болду


Баштигинден айланып.


Санавлар да биле экен


Къурдаш болуп байланып.



 

10


Тезден белгили магъа


Тогъуздан сонг геле он.


Шо санав болсун учун


Бирни ягъына, ноль, къон.



Авторизация
*
*
Регистрация
*
*
*
Согласны с условиями сайта?
Генерация пароля