Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Янгы йылгъа йыбанчгъа…

Янгы йылгъа йыбанчгъа…


Янгы йылны алды. Кавказлы алгъасап яшларына савгъатлар алма айлана. Ону автоинспектор токътата. Гьайдавчу токътай, тек машинден чыкъмай. Инспектор да машинни янына гелмей, бираз ари токътагъан. Арадан беш минут гете. Гьайдавчуну чыдамлыгъы бите:

–Слюшай, мен англамайман, юз манат сагъа тарыкъмы яда магъамы,–деп къычыра ол, терезени шишасын ачып.


 

***

Больницагъа къаркъарасыны авадан яны от тюшювде бишген аврувну алып геле. Врач ону мекенли тергеп, рентгенге де салгъан сонг:

–Сени бишген ерлерингден эсе, къаркъарангда сынгъан ерлеринг кёп, – дей.

–Сёнгюрлер, магъа тюшген отну лопаткалар булан сёндюре эдилер,–деп, аврув гьаран жавап бере.


 

***

Юз йылдан да кёп яшагъан кавказлыгъа, узакъ яшамакъны не йимик тетиги бар деп сорагъанлар.

–Гьегьей, балалар, сени авлетлерингни авлетлери йыл сайын къарт болагъанны гёрмекден къыйын зат ёкъ,–деп жавап берген ол.



***

Сексен йылдан оьтген тамаза янгы йылны алдында тюкенге геле:

–Магъа эки гийим костюм тарыкъ,–дей.

–Тамаза, бир гийимни алсанг да бола, яшавунгну ахырына ерли тозуп да битмежексен,–дей тюкенчи.

–Бирин – атама, бирин – оьзюме, – дей ол.

–Вагь, сагъа сексен бола буса, атанга юзден де къолай боладыр?...

–Тюз айтасан. Уллатамны тоюна арив гийинме сюебиз…

–Вагь сен, бу ишге… Уллатанга 130 йыл да боладыр, къатын алма сама сюймейми?

–130-дан кёп бола. Оьзю чю къатын алма сюймей. Ата-анасы гючден алдыра тура…



***

Москвалы къонагъын кавказлылар янгы йылны бирче оьтгерме чакъыргъан болгъан. Оьзюню машини булан ол ювукълары бар шагьаргъа геле. Узакъ излеп, шагьарда оьзюне тарыкъ орамны таба. Гирме ярамай деген белги салынгъан. Олтура, ойлаша. Шо заман ерли бир машин гирип гете. Бирдагъысы шо орамгъа гьайдай, бирдагъы машин гете. Гьеч инспектор да гёрюнмей. Къонакъ гьайдай. Аз оьтюп терек артдан чыкъгъан инспектор ону токътата.

–Гетген машинлени неге токътатмадынг?–дей къонакъ.

–Сен ёл низамны къайдаларын билемисен?

–Билемен,–дей къонакъ.

–Ну вот, олар билмей…


 

Дагъы болмагъанда…


 

Автоинспектор Янгы йылны алдындагъы гюн дагъыстанлыны токътата.

–Праваларынг бармы?

–Бар.

–Техосмотр?

–Бар.

–Аптечка..

–Бар, бар…

–Магнитоланг бармы?

–Бар.

–Буса якъ.

Лезгинка согъула. Дагъы болмагъанда, автоинспектор машинни айланып бийип йибере…

–Не къарайсан? Сагъа бийиймен. Давай, акъча тёле!


 

«Къуру тюклер учун»


 

Амир душда кирине ва къатынына къычыра:

–Салимат, шампунь бер!

Къатыны огъар:

–Амирчик, сени къолунгда шампунь бар чы…

–Ваа, гьей Салимка, мендегине «Къуру тюклер учун» деп язылгъан, мен буса башымны сув этгенмен!


 

«Къасумлар геле…»


 

Юртлу ювукълар Рамазан да, Къасум да лакъыр эте туруп бир увакъ затны уьстюнден эришме башлай, сен-менге чыгъа.

–Сен къочкъарсан,–дей Рамазан ­огъар, «баран» деген маънаны берип.

–Айтамысан дагъы къочкъар деп, айтамысан,–дей туруп, Къасум огъар урма башлай.

–Нетесен, токътама къой, воллагь, сирив болуп къочкъарлар геле буса да, «Къасумлар геле, Къасумлар геле» деп айтажакъман, –дей туруп къача ювугъу.



Ойлашайыкъ чы...


 

Аминат къурдашына:

–Мен сенден 100 манат алдым. Тюкенге баргъанда тас этдим. Къурдашым ёлугъуп 50 манат берди. Гьариси 10 манатдан эки шикалат алдым. Къалды 30 манат, шуну да сагъа беремен. Сагъа дагъы да 70 манат борчлуман. Къурдашыма буса 50 манат. Жамы – 120 манат. Эки шикалатны багьасы да булан 140 манат харжлагъанман. 10 манаты къайда къалды экен?


 

Калималар, калималар…


 

Янгы йылны борчлар булан къаршылама гюнагь деп айта. Магъа борчлуланы барына да сёйледим, эсине салдым… Къызгъанаман чы дагъы, негьакъ гюнагь алажакълар…


 

***

Янгы йыл недир?... О – ахшам аш, асталыкъ булан, усталыкъ булан чыгъып къалагъан эртен ашгъа.


 

***

Янгы йылгъы каникуллардан сонг эки ювукъ ёлугъа.

–Байрамны нечик къаршыладынг дагъы?

–Воллагь билмеймен, гьали де хабарламагъанлар…


 

***

Мени уллатам айта эди: Яшавда уьч берекетни адамарагъа салма ярамай деп. Оьзюнгню агьлюнгню, оьзюнгню уланынгны, оьзюнгню уьюнгню. Агьлюнгню оьзюнг танглап алгъансан. Уланынг–сени къанынг. Уьюнгню, мюлкюнгню оьзюнг этгенсен. Мекенли буса–сени оьрлюгюнг, тюгюл буса–сени айыбынг.


 

***

Сен саялы мен билайндан мегафонгъа сёйлеме де разимен…


 

Тостлар, тостлар, ёравлар…


 

Анасы къызына:

–Янгы йылда не къаравуллайсан, не сюесен, къызым?

–Оьзюм де мекенли билмеймен. Тек не буса да бир зат чы сюемен. Яда… семичке, яда…эрге барма!

Янгы йылда гьар кимни не умуту бар буса, бары да яшавгъа чыкъсын!!! Семичкеси де болсун!



***

Философ Диоген айтгъан: «Бай болмакъ ва кёп акъчасы болмакъ бир йимик англавлар тюгюл. Гертиден де, бай адам–оьзюню яшавуна-турушуна рази адам. Шо–мекенли байлыкъ!»

Янгы йыл бизге мекенли байлыкъ гелтирсин!


 

***

Тажик алтын чабакъ тута. «Не умутунгну да яшавгъа чыгъараман, мени йиберсенг», – дей чабакъ.

–Москваны ортасында уьч къабатлы уьй…

Бирев де къошулмай, оьзюм янгыз штукатур (сылама) этме сюемен, – дей тажик.





Количество показов: 45
Автор: YOLDASH.news
02.01.2019 10:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта