Рашит Акавов, ДР-ни печат ва маълумат министри.

  


Янгы йылны къаршылай туруп гьар бир ватандаш гетген йылын гёзден гечирип, гелеген йылда оьзюню яшаву аз болса де яхшы янына багъып алышынажакъгъа юрегинде инаныв тувдура. Шолай къайсыбыз да янгы йыл гече умутларыбызны ёлгъа салабыз.



Гетген йыл Республикада халкъны яшавлукъ шартларын яхшылашдырагъан биринчи себепли социал-экономика гьал яман болмады, деп айтма ярай. Январ айдан декабр айгъа ерли аралыкъдагъы мезгилни алып къарасакъ да шо тармакъны алгъа барывун исбатлайгъан гьасиллени гёрме болабыз. Республикада промышленный производствону оьсювю 20,6 процентге, юрт хозяйство ва къурулуш малланы болдуруву – 4,7 процентге артгъан. Адамланы яшаву аз буса да яхшылашгъанны гёрсетеген оьзге гьасиллер де бар.



Печат ва маълумат министерликни ишине байлавлу айтсам 2017-нчи йыл Дагъыстанда къумукъ ва авар тиллерде чыгъагъан эки уллу газетлени, «Тангчолпан» журналны 100 йыллыкъ юбилейлери ва Дагъыстан радиону 90 й
ыллыгъы булан таъсирли болду деп айтма ярай. Бирдагъы керен охувчуланы, радио тынглавчуланы, шо тармакъларда ишлейген журналистлени, ёлбашчыларын ва оьзге къуллукъчуланы шо юбилей байрамлары булан къутлайман.



Тас этивлер де болду, «Тангчолпан» журналны баш редактору, Дагъыстанны халкъ шаири Магьаммат Атабаев ва Дагъыстан китап издательствону къумукъ бёлюгюню редактору айтылгъан шаир Бадрутдин Магьамматов бизин арабыздан гетди. Шо эки де агьвалат айрокъда поэзияны сюегенлер учун пашманлыкъ гелтирди.



Печат къурумланы ва маълумат къуралланы буссагьатгъы гьалы бизин рази этердей тюгюл. Шогъар себепли бир тюрлю четимликлер де бар. Адамлар китап, газет, журнал охума сюймей. Интернет арагъа гирип хыйлы четимлик гелтирди. Тек, биз газетлени де интернет байлавлукъ булан агьамиятлыгъын гётерме болардай гьаракат юрютебиз.



Мен бары да дагъыстан халкъларына гелеген 2018-нчи йылда яхшылыкълар ёрайман. Оланы гьарисини юзлерине сююнч гьислер гелтиреген мюгьлетлер кёп болсун!



Авторизация
*
*
Регистрация
*
*
*
Согласны с условиями сайта?
Генерация пароля