Разия Жанболатова:


– Къумукъ газетни аявлу охувчулары, Янгы йылыбыз булан гьакъ юрекден къутлайман. Гьар ожакъгъа савлукъ ёрайман. Бары да къайгъыланы-дертлени оьтген йылгъа къояйыкъ. Жыйылып, топ­лангъан хатиржанлыкъланы унутуп, яхшы ойлар булан 2019-нчу йылгъа чыгъайыкъ. Болгъан чакъы яхшылыкъ этмеге къарайыкъ. Гиччилер уллуланы уьстюне кёп барагъан болсун. Савлай дюньяда парахатлыкъ буса, къалгъан затгъа бир амал болур.



Яшёрюмлеге насигьатым: ата-анагъыз булан гьакълашып, олагъа сорап юрюгюз, оланы разилигин алсагъыз, абуругъуз артар. Заманда бир кёкге багъып къарап ойлашмакъ да яхшы болур.



Бизин Буйнакск райондан да, оьзгелеринден де, гьар юртлардан мекенли адамлар чыкъгъан. Олагъа да мени шулай тилевюм бар: чыкъгъан еригизни унутмагъыз, юртлуларыгъызгъа эсде къалагъан, пайдалы болагъан ишлени этигиз. Барыбызны да арт ёлубуз–ата юртларыбыз. Ата юртум, тюз айтмай бусам, магъа бек урушмай къой. Заманда бир кёкге багъып къарап, пикир этмек де яхшы болур деп ойлашаман.



2019-нчу Янгы йылны савлукъ, узакъ оьмюр, яхшы умутлар булан таза ва намуслу кюйде башлайыкъ!



Авторизация
*
*
Регистрация
*
*
*
Согласны с условиями сайта?
Генерация пароля