Магьмут Амиралиев:


– Яшавну агъымына тагъылып, бир-бирин алышдырагъан йыллар гете, йыллар геле. Шоланы да гьариси гёнгюбюзню хошландырагъан, сююнч алып гелеген, шолар булан бирге, биз нечакъы сюймесек де, юрек­лени талчыкъгъа салагъан агьвалатлар булан эсде къала. Тек гьар гезик де биз яхшылыкъланы, алмашынывланы, тюрленивлени гёзлеп, оьтген йылны яхшы янларын эсгере туруп, етип гелеген Янгы йылны тюрлю гьислер ва умутлар булан къаршылайбыз.



Мен бугюн анадаш газетибиз берген имканлыкъдан пайдаланып, «Ёлдашны» жумадан-жумагъа сабурсуз кюйде къаравуллап къолуна алагъан гьар охувчусун, савлай къумукъ халкъымны, айрыча Къарабудагъгент районну бары да ватандашларын Янгы йыл булан къутлап, савлукъ-саламатлыкъ, эсенлик булан аманлыкъ ёрайман. 2019-нчу йылда яшавгъа чыгъып гёрмеге сюеген асил муратлагъа ва негетлеге барыбызгъа да етишмеге насип болсун. Заманны къапуларын генг ачып гирип гелеген Янгы йыл бизин учун парахатлыкъны, янгы оьрленивлени, уьстюнлюклени йылы болсун, гьар ожакъгъа, гьар уьйге шатлыкъ ва татывлукъ гелтирсин. Янгы йыл гьар не ягъындан да оьтген йылдан эсе онгайлы болсун. Бирдагъы керен де Янгы йылыгъыз къутлу болсун!



Авторизация
*
*
Регистрация
*
*
*
Согласны с условиями сайта?
Генерация пароля