ЖКХ-ны шабагьатлары

Шабагьатны оьлчевю квартирни есисини ва управляющий компанияны арасындагъы гьакълашыв булан белгилене. Шолай гьакълашыв яшавлукъ къуллукъланы имканлыкълар булан таъмин этеген къурумлар булан да байланажакъ. Гьакълашывну шартлары кютюлсюн учун, управляющий канторгъа сув, иссилик, электроэнергия саялы тёленеген гьакъланы оьз заманында тапшурмагъа герек.

А.Чибис англатгъан кюйде, гьали управляющий кантор шабагьатламагъа шу яшавлукъ къуллукълар учун бола: уьйлени тийишли кюйде сакълав ва квартирлени ярашдырыв. Демек, управляющий канторланы оьзю жаваплы къуллукълар учун шабагьатлама бола.

Коммунал къуллукълар учунгъу тёлевлени (сувгъа, исси этивге, электроэнергиягъа ва оьзгелерине) пачалыкъ гёрсетив этген, хожайын чыгъаргъан харжлагъа ва тарифлеге гёре кютюле, шо себепден закон булан алышынмагъа болмай.

Гьали буса управляющий къурумлар квартирлерде яшайгъан намуслу, тёлевлени оьз заманында ва алданокъ кютеген адамланы шабагьатламагъа болажакъ. Шо ёл – есилени иштагьландырывну ёлу.

Бирдагъы яндан, квартирлени есилерине, ватандашлагъа ойлашмагъа зат бар. Тёлевю артгъа теберилген гьар гюн саялы салынагъан къоду эки керенге ювукъ артмагъа ярай.

Башгъа сёзлер булан айтгъанда, коммунал къуллукълар учун тёленеген гьакъны артгъа салып берегенлер учун сайлав къала: яда заманында тёлемек, яда сюйген заманда, тек артыкъ багьа булан. Шо заман квартири учун борчлу адам мюлкюн сатмагъа болмажакъ, тёлемек учунгъу ипотекадан да къуру къалажакъ. Шолай квартир пачалыкъ регистрациядан да магьрюм къалажакъ.

Россияда халкъны орта гьисапдагъы санавуну 5 проценти – ЖКХ-ны къуллукълары учун гьакъ тёлемейген борчлулар. Шоланы авадан кёбюсю мадарлы адамлар экени белгили. Шолайлар тёлев этмеге я «унутуп» къалалар, яда «заманы» болмай. Эсгерилген йимик адамлагъа къатты чаралар гёрмеге тюшегенлиги англашыла.

Бирдагъы янындан, квартирлени исив, электроэнергия, газ булан таъмин этеген къурумлар, эгер 3 айлыкъ борчу бар буса, къоллавчулардан управляющий канторну алышдырмакъны гьакъында къарар чыгъармакъны масъаласын салмагъа бола.

Эсгерив: 2000-нчи йылда «Росстатны» маълуматларына гёре къуллукълар учун ЖКХ-гъа адамланы борчу 17 миллиарддан да артыкъ болгъан. Шо тёлевлер этилген бары да харжны 13 проценти бола. 2012-нчи йылда шо санав 104,6 миллиардгъа етген яда жыйылгъан умуми харжны 6,4 проценти болгъан.

Авторизация
*
*
Регистрация
*
*
*
Согласны с условиями сайта?
Генерация пароля