– «Победа» деген авиакомпанияны кёмеги булан учма муштарлы пассажирлерден билет сатып аламакъ учун не йимик документлер талап этиле?
– Ватандашлыкъ шагьатнамасы-паспорт, 14 йыл тамам болмагъан буса, тувгъанда берилеген шагьатнамасы тарыкъ. Асгерчилерден военный билети талап этиле.
– Шолай документлени къайсы-бириси буса да тас болгъан буса?..
– Шолай гезиклерде эсгерилген документлени гертилейген заманлыкъ болжалгъа берилген кагъыздан да пайдаланма ярай. Эгер де пассажир ялгъан документлерден пайдаланма муштарлыгъы бары аян этилсе, озокъда, шолай гезиклерде тийишли къодусун тёлемеге борчлу болажагъы гьакъда билмек де пайдалы.
– Гьар адамбашына-пассажирге оьзю булан нече кило юкню тегин алма яратылына?
– 10 кило. Шону оьзю булан тийишли кюйде онгарып салонгъа алмагъа яда буса багаж гьисапда йибермеге бола. 10 килодан артыкъ авурлугъу булангъы юклер багаж гьисапда гьагъы тёленип гьисапгъа алына.
– Пассажирлеге дагъы не гьакъда билмек пайдалы?
– Ноутбуклар, кейслер, гиччи сумкалар яда буса сют ичеген оьмюрдеги яшланы коляскалары да салонгъа тегин алына. 12 йыл битмеген яшланы оздурагъанлар болмаса, олар учун учув гери урула.
– Билетлени багьалары гьакъда не айтмагъа бажарыла?
– Билетлер авиакомпанияны сайтындан таба сатып алмакъ хыйлы учуз токътажакъ. Багьасы болжаллагъа гёре де бёлюне, эрте алынгъан билетлер учуз токътай. Билетлени багьаларыны ва «Победа» этеген оьзге тюрлю къуллукъланы гьакъында эркин кюйде баянлыкъ хас сайтында бериле.
Къ. КЪАРАЕВ.
