Тергевге алынгъан

        «Агропромышленный тармакъны асувлугъу учун» деген милли борчну проектинде увакъ ва орта далапчылыкъ булан машгъул болагъан тайпаланы талапларына жаваплы кюйде янашма гереги гьакъда айрыча хат булан эсгерилген.

    Юрт хозяйство министр булангъы ёлугъувгъа гелген ёлдашлар да шо гюн аслу гьалда  далапчылыкъ булан машгъул болма муштарлылагъа пачалыкъны янындан этилинеген кёмекни гьакъында тюрлю-тюрлю соравлагъа жаваплар алгъан.

    Шону натижасында кредитлени ­енгиллешдиреген субсидиялагъа, жынслы гьайванланы, юрт хозяйство машинлени, къуралланы сатып алмакъ учун агьлю гьайванчылыкъ фермалагъа этилинеген кёмекни гьакъында да баянлыкъ берилген.

    Министр шо гюн ватандашлагъа мелиорациялашдырыв ишлени камиллешдиривню ва бавчулукъну оьсдюрювню гьакъында да пайдалы таклифлер берген.

    ДР-ни юрт хозяйство ва сурсат министри ёлугъувну вакътисинде 10 адамны къабул этген ва оланы талапларын  гьисапгъа алгъан.

    Гьисапгъа алынгъан арзалар эсгерилген министерликни хас бёлюклерине йиберилип тергевге алынгъан.

       

       



      Къ. КЪАРАЕВ.


    СУРАТДА: Дагъыстанны юрт хозяйство ва сурсат министри Баттал Батталов ватандашланы къабул эте.

Авторизация
*
*
Регистрация
*
*
*
Согласны с условиями сайта?
Генерация пароля