Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Налог кимлер тёлемей

Налог кимлер тёлемей


Налогланы тёлевде артдагъы йылларда айрыча ватандашлагъа ва шолай да къурумлагъа бир къадар алмашынывлар, енгилликлер этилинегени тергевню тартмай болмай. Шо гьакъда «Ёлдашны» охувчулары да бизден налогланы тёлевде этилинеген енгилликлени кимлер учун болдурулагъаны гьакъда билмеге сююп язагъан гезиклер бола. Шону гьисапгъа алып, бугюнлерде бизин мухбирибиз Россияны налог къуллу­гъуну Дагъыстанда иш гёреген бёлюгюню прес-къуллугъундан алгъан баянны охувчуларыбызны тергевюне беребиз.


   Белгили болгъан кююнде, бизин республикабызда мюлк ва топуракъ налогну тёлевде ватандашланы бир тайпалары учун енгилликлер пайдаландырыла. Мисал учун айтгъанда, арт вакътилерде 600 квадрат метр майданы булангъы бир топуракъ пайына олар налоглар тёлемей. Шолай оьлчевдеги ерге тёлев гьагъы да, савлай участканы толу кадастр багьасы гьисапгъа алынып, башындан тайдырыла.

Россияны Федеральный налог къуллугъуну республика бёлюгюнден бизге билдиреген кююнде, шо уьстде эсгерилген оьлчевдеги бир топуракъ участкагъа енгилликлер кимлер учун этилегени де аянлашдырыла. Демек, енгилликлерден пайдаланагъан тайпалар бир топуракъ участка учунгъу тийишли оьлчевюнде тёленеген налогдан пенсионерлер, Совет Союзуну ва Россия Федерацияны Игитлери, 1 ва 11 даражалы сакъатлар, тувмадан сакъатлар, Уллу Ватан давну ва ондан сонг болгъан дав агьвалатланы ортакъчылары эркин этиле. Муна шо саялы да эсгерилген тайпалар енгилликлерден пайдаланагъанлар 2017-нчи йылны топуракъ налогуну башындан тайдырмакъ учун оьз участкасыны ерин де токъташдырып дегенлей, ерли налог къурумлагъа билдирмеге герек.


Билдиривню буса, иш этип ёлгъа чыкъмайлы, уьйден таба электрон къайдасын къоллап этмеге де бажарылагъаны гьакъда айрыча эсгермеге тюше. Шо гьакъда заманында ти­йишли къурумгъа билдирив этилмесе, налогну бир участкагъа башындан тайдырылмай налог гьакъ толу кюйде салынажагъы гьакъда да унутма тюшмей.


Налог тёлевчю (давну ветераны яда пенсионер), мисал учун айтсакъ, алда да транспорт, мюлк ва башгъа налог енгилликлерден пайдаланып тургъан буса, шону учун налог къурумгъа бирдагъы да билдирив этмек гьажат тюгюл.


Шолай енгилликлерден пайдаланагъан тайпаланы сыдырасына 2018-нчи йылны башындан тутуп ги­йирилегенлер де шо гьакъда алданокъ налог къурумлагъа билдирив этмеге борчлу.


Налог енгилликлерден пайдаланмакъ учун ватандашлар ва шолай да айры-айры къурумлар документ кагъызланы жыйып топламакъ учун къыйналмайлы, ерлердеги пачалыкъ ва муниципал къурумланы къуллукъларындан (МФЦ) пайдаланып болажагъы гьакъда да айрыча эсгермеге тюше.



Количество показов: 540
02.02.2018 15:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта