«Бир муратгъа байлангъан гьаракат гьажатлы»


Уьстде эсгерилген эки де агьамиятлы агьвалатлагъа байлавлу гьаракатны малим этивню гёз алгъа тутуп, бу йыл февраль айны 2-нчи гюнюнде Магьачкъалада Поэзияны уьюнде хас жыйын оьтгерилди. Шонда Дагъыстанны Башчысы Рамазан Абдулатипов, министерликлени ва оьзге тюрлю тармакъланы, районланы, шагьарланы гьакимлери, Москвадан ва СКФО-ну республикаларындан гелген къонакълар ортакъчылыгъын болдурду.


Экологияны йылына ба­гъышлангъан жыйынны ача туруп, Дагъыстан Республиканы Башчысы Рамазан Абдулатипов да гюнлюк низамгъа салынгъан масъалалагъа байлавлу болуп залда жыйылгъанланы оьз пик­рулары булан ювукъдан таныш этди.


– Россияны Президенти Владимир Путин де айтгъанлай, гьалиги экология гьалны гьисапгъа алып, ер юзюндеги яшавну аманлыгъын къорумакъ учун бары да халкъара гючлени къуршама тюшегени гьакъ, – деп узатды ол оьзюню сёзюн. – Бизге де шо гьаракатда натижалы иш гёрсетмек муратда бары да гючлени бир муратгъа бакъдырып-къуршап дегенлей иш гёрмесек бажарылмас. Шону учун Россияны ва Дагъыстанны табии байлыкъларыны министерлик­лерини янындан да лайыкълы кёмек болажагъына шеклик этмеймен. Неге десегиз, ДР-ни экология ва табии байлыкъларыны министри Н. Къарачаев арадан оьтген эки йылны ичинде айлана ягъыбызны къорувда ва аманлыгъын сакълавда хас уьлгюсюн аян эте ва натижалы гьаракатын гёрсете. Гележекде де мен бары да гючлени шо муратгъа бакъдырып ишлемеге гьакимият къурумлар булан бирче бары да жамиятыбызны да чакъыраман.


Жыйынны ортакъчылары шондан сонг Н. Къарачаевни арагъа салынгъан масъалагъа гёре онгарылгъан докладына тынглады ва натижалы гьаракатына разилигин билдирип, гележекде де уьстюнлюклер ёрады.

Къ. Къараев.

Авторизация
*
*
Регистрация
*
*
*
Согласны с условиями сайта?
Генерация пароля