Базарларда багьалар неге арта?

Бу ерде оланы кёп болагъанына бизин къоллавчулар къаршы тюгюл. Тек не этерсен, кёп болагъанлыгъыны пайдасы кимге тие деген сорав тувулуна. Айтмагъа сюегеник, айлана ягъыбыздагъы гьар тюрлю маллар сатылагъан базарларда багьалар тёбенлешмей. Лап да четим къыш айларда буса айрокъда сурсат малланы ва яшавлукъ коммунал къуллукъланы багьалары «хабагъаны» ичингбушдура.

Бугюнлерде оьтгерилген прес-конференция да бизин айлана ягъыбыздагъы базарларда багьалар нечик токъташдырыла деген агьамиятлы масъалагъа багъышлангъан эди.

– Озокъда, багьаланы артагъаныны себеплери башгъа-башгъа, – деп башлады оьзюню сёзюн Антимонопольный федерал къуллукъну Дагъыс­тандагъы управлениесини башчысы Къурбан Къубасаев. – Мал болдурувчуланы ва алывчуланы арасына иш этип савдюгерчилер, ломайчылар сугъула ва аслу гьалда олар багьаланы да оьзлер токъташдырып, тёбен тюшмеге къоймай. Шону алдын алывда буса сатыв-алыв ишлеге къарайгъан минис­терлик, ерли административ къурулувларыны башчылары ва шолардагъы сатыв-алыв ишлеге къарай­гъан къуллукълары, ватандашланы-алывчуланы ихтиярларын якълайгъан къурумлар борч­ларына гёз юма. Юммажакъ эди, эгер де оьзлеге де шондан пай тюшмей къала эди буса. Гьали-гьалилерде иш этип Магьачкъалада экмекни багьаларын сёйлешип гьатдан оздуруп бир нече манатлагъа артдыргъанда да бизге арагъа гирме тюшдю. Айтагъаным, мен уьстде атларын эсгерген къурумлар тувра борчларындан баш къачырагъаны да багьаланы артывуна болушлукъ эте.

Ондан сонг сёйлеген «Рос­потребнадзорну» вакили Мирзабутдей Абасовну ва шолай да Магьачкъала шагьар администрацияны шагьар бёлюгюню начальниги Али Алиевни сёйлевлеринде багьаланы гьатдан озмагъа къоймай, не йимик чаралар гёрюлегени бизге толу кюйде англашылмады.

Тюзю, Дагъыстан Республиканы юрт хозяйство ва сурсат министерлигини ишлетив промышленностгъа ва сатыв-алыв масъалаларына къарайгъан управлениесини башчысы Юсуп Юсуповну эсгерилген багьаланы алдын алывгъа байлавлу болуп ярмакю-выставкаланы оьтгеривню майданлары генглешегени гьакъдагъы билдиривю гележекде багьаланы ёрукълашдырывгъа кёмек болажагъына инандырмай да болмады.

Неге тюгюл, гертиден де, юрт хозяйство ярмакюлерде сатылагъан малланы багьалары базарлардан эсе, 20–30 процентлеге тёбенде ва сан яны къолай болагъаны эс этиле.

Авторизация
*
*
Регистрация
*
*
*
Согласны с условиями сайта?
Генерация пароля