Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Ачыкълыкъ болмаса, натижалар гёрюнмей

Ачыкълыкъ болмаса, натижалар гёрюнмей

Шо гьакъда ол бу йыл оьтген август айда Москвада болгъанда Россияны башчылары булангъы ёлугъувларында эсгергени де негьакъ тюгюл. Неге десегиз, Дагъыстан Къалмукъ Республикадан сонг, Россияны лап да артда къалагъан региону санала.
Шону алдын алмакъ учун не этмеге герек? Биринчилей, ерли экономиканы яшыртгъын тармагъын ачыкъгъа чыгъарма тарыкъ.
Нечик? Савлай уьлкебизде йимик, Дагъыстанда да далапчылыкъ булан байлавлу гьаракатны, орта класны амалгъа геливюне чатакъ салмайлы. Шо ёлну танглагъанланы гьар-бир якъдан онгайлыкълар болдуруп иштагьландырмагъа тарыкъ. Янгы аякъгъа турма белсенген тайпаланы бешигинде бувмайлы, гётериливюне, оьсювюне къошум этмеге тюше.
Россияны Президенти Владимир Путин йимик бугюн Дагъыстанны башчысы да увакъ ва орта бизнесни алдына чатакъ салмай ругьландырма тюшегени гьакъда кёп эсгере. О да англашыла. Неге десегиз, бизин республикабызда артдагъы вакътилерде экономиканы яшыртгъын тармагъына гёчюп, натижаларын ачыкъгъа чыгъармай ишлемеге сюеген тайпаланы сыдыралары толумлаша.
Натижада, социал-экономика тармакъланы оьсювю, умуми ич продуктну къолайлашыву осал гьис этиле. Налоглар толу кюйде жыйылмайлы, республика бюджет центрдан берилеген акъча маялагъа харлылыкъда къалып тура.
Белгили болгъаны йимик, арт вакътилерде республиканы экономикасыны 70-80 проценти ачыкъгъа чыкъмайлы, яшыртгъын тармагъында иш гёре. Шолайлыкъда, озокъда, налоглар салынмайлы, 70-80 миллиард манатлар тюпден таба сатыв-алыв, къоллавчуланы къуллукъларын кютюв тармакъларда айландырыла.
Эгер де биз республикабызны социал-экономика тарма­гъыны янгы моделине гёчмеге умут эте бусакъ, гертиден де, уьстде эсгерилген кююнде, ишге-къазанчгъа муштарлыланы талапларына арт бермейли, тогъас салмай, материал ва ругь якъдан иштагьландырывну шартларын болдурма тюше. Ёгъе­се ишге чомарт къоллу, англавлу тайпалар тюпден таба иш гёрме муштарлы болажагъы гьакъ зат. Яда буса республикадан тышда къазанч этмеге белсенежек.
Гьалиги заманда дагъыстанлыланы 1 миллионгъа ювугъу республикадан тышда яшайгъаны белгили. Олар кимлер экени де бизге къарангы тюгюл. Гьаракатчы, бажарывлу тайпалар.
Шо гьакъда Рамазан Гьажимуратович токътамай гьар гюн, гьар жыйында эсгерип тура. Август айны 13-нде болгъан ачыкъ эфиринде де уьстде эсгерилген масъалалагъа байлавлу болуп огъар шо гьакъда сорав берегенлер аз тюгюл эди. Ставрополь крайда далапчылыкъ тармакъда ишлеп турагъан бир дагъыстанлы, эгер де республиканы башчылары якъласа, ол 60 миллионлукъ бизнеси булан Дагъыстангъа къайтмагъа рази экенни айтды. Шолай оьз ватаныны оьсювюне лайыкълы къошумун этме гьазир дагъыстанлылар Россияда ва ондан тышда да аз тюгюл.
Айтмагъа сюегеним, шону гьисапгъа алып, бизге де Да­гъыстандан тышда къурулгъан вакиллик къурумларыбыз булан байлавлукъда асувлу кюйде чалышмагъа тюшегени гьакъ.Неге тюгюл, бизин республикабызны оьсювюнде, орта класны амалгъа геливюнде мадарлы адамларыбызны кёмегин гери урув, зарал этсе тюгюл, хайыр бермежек.
Гьалиги заманда, бизин республикабызда социал-экономика гьалланы яхшылашдырмакъ учун, 17 хас федерал программа пайдаландырыла. Гелеген йылны ичинде шоланы дагъы да 6–7-сине къошулма умут этиле.
Айтмагъа сюегеним, шолай агьамиятлы федеральный ва республика программаланы къуруп пайдаландырмакъ учун, ерли, республика ва федеральный бюджетлени акъча маяларына харлылыкъдан къутулма тарыкъ.
Мадары къолай тайпаланы, инвесторланы-маячыланы якълап, олар учун онгайлыкъланы болдурмакъдан гележекде бизин республикабызны алдына салынгъан милли борчланы кютюлювю гьасил болажагъын унутма тюшмей.
Шолайлыкъда, онгайлыкълар болдурулгъан ерде, озокъда, ачыкълыкъ да болажакъ, далаплы гьаракатны гёрмекли натижалары гьар тюрлю оьлчевдеги бюджетлеге лайыкълы къошум да этежек.
Количество показов: 611
13.09.2013 11:30

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта