Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къабан тынглав иш торайтмас

Къабан тынглав иш торайтмас

    •                                                                                Янгы йылда биз не къаравуллайбыз?

Биз гьалиги заманда янгы демок­рат уьлкеде яшайбыз десек де, тюзю, айлана ягъы­бызда шолай адилли пачалыкъ къурумубуз амалгъа гелсин учун оьз ихтиярларыбызны билип-англап яшавгъа чыгъарывда бугюнлерде къайратлы гьаракат етишмейгени ачыкъ болуп гёрюне. Бёрюден къоркъгъан къой этмес. Белгили болгъан кююнде, гелеген Янгы йылыбыз къабанны йылы деп ёрала. Айтмагъа сюегеним, къабан тынглавгъа чул бермейли, бойсынмайлы, гележегибизни ойлашып, гьарибизге талайлы къысматыбызны ясамакъ муратда гьаракатыбызны бошатмай, эринмей-талмай баш чарабызны гёрсек, яшав-турушубуз да яхшылашар.


 Оьзюмден йимик, Янгы йылыбызда оьзгелерден де шону талап этмеге сюер эдим. Мен Дагъыстанда биринчилей ачылгъан адамланы ва къурумланы муниципал ва кёп тюрлю къуллукъланы кютеген центрны МФЦ башчысы болдум. Заман гете туруп, шолай къуллукълар рес­публикабызда артып башлагъандан сонг, шоланы барысын да къуршайгъан «МФЦ РД» къурумну башчысыны къуллугъуна белгилендим. Яшавда адам етишилген башлапгъы даража булан дазуланмай оьсме тарыкъ. Магъа да шолай жаваплы къуллукъланы канзилеринден оьте туруп, хыйлы къазанларда къайнама тюше. Салгъан чыгъар къазандан деген кюйде, артда да ДР-ни башчыларыны таклифин къабул этип, Дагъыстанны экономика ва территория оьсюв министри болдум. Шо къуллукъда да гележек учун айлана якъдагъы къыйынлыкълагъа чул бермей чалышма къастлыман.


 

Ишлемеген тишнемес


 

Дагъыстан, белгили болгъан кююнде, социал-экономика якъдан уьлкеде оьсювню барышында лап да артда къалагъан регионланы бириси гьисапда танывлу. Шону ёрукълашдырмакъ учун 2016-нчы йылда РФ-ни Гьукуматыны хас къарарында Дагъыс­тангъа байлавлу айрыча бёлюгю (подпрограммасы) къабул этилинген эди. Шо да 2016-нчы ва 2025-нчи йылланы къуршай.


Арадан бирдагъы бир йылыбыз тамамланды. Алгъа салынгъан борчланы яшавгъа чыгъарылыву рази къалдырамы деген сорав тувулуна. Шону учун, озокъда, биринчилей болуп адамланы ишге къуршавну, ишсизликни тайдырывну уьстюнде чалышма тарыкъ эди. Къуллукъланы, малланы, хайырны натижасы да шону булан байлавлу. 2017-нчи йылда бизин рес­публикабызда гьар тюрлю тармакъларда, айрокъда увакъ ва орта бизнес булан машгъул болагъанлар учун 15 мингге ювукъ иш ерлер ачылгъан. Гелеген йыл буса шону 20 мингден кёп этмеге гёз алгъа тутула.


Ишсизликни алдын алывда гьар тюрлю инвестиция проектлени, федерал ва республика борчланы, пачалыкъ тапшурувланы гьисапгъа алып иш гёрмек парз. Дагъысын айтмагъанда, ишге муштарлыланы ругьландырмакъ учун бизин рес­публикабызда башгъа-башгъа бойларда 5 индустрия парк ачылды. Хумторкъали, Гьайдакъ районларда, Каспийск ва Магьачкъала шагьарларда пайдаландырывгъа берилди. Бугюн-тангала «Аврора» деген парк Къарабуда­гъгент районда да ишге берилсин учун гьаракат этиле. Шолайлыкъда, иш ерлени артдырмакъ мурат булан гьар тюрлю ­онгайлыкъланы яратыв давамлаша демеге ярай.


 

Гьаракатгъа – берекет


 

Айлана якъдагъы багьаланы ёрукълашдырывдан да кёп зат гьасил бола. Шону учун болдурулагъан продукцияны йимик этилинеген къуллукъланы сан янын, санавларын артдырывда да оьзюне токътайгъан багьаларын камиллешдиривню ёлларын тангламагъа тюше.


Экономиканы бир тармагъында да ягъарлыкъ-энергетика комплексини имканлыкъларын пайдаландырмайлы, иш алгъа бармайгъаны белгили. Ягъарлыкъ-майлав материалланы багьалары артса, оьзге тюрлю къуллукъланы ва малланы къыйматы да артар. Оьзюнде нап-газ ягъар­лыкъланы, электрик гючню чы­гъарма ва пайдаландырывгъа берме ­онгайлыкълар бар республикада багьаланы да гьатдан озма къоймай иш гёрмеге тюшегени гьакъ. Къоллавчуланы талап­лары арта­гъанын да гьисапгъа алып.


Мен ойлашагъан кюйде, бизин респуб­ликабызны социал-экономика якъдан оьсдюрювде лап да аслу уьч тармакъны: промышленностну, юрт хозяйствону ва туризмни гётермесе бажарылмай. Янгы йылда да мен башчылыкъ этеген министерлик ерли, пачалыкъ къурумлар, далапчылар булан байлавлукъда уьстде эсгерилген аслу имканлыкъланы пайдаландырмакъ муратда гьаракат этмеге токъташгъан.


 

Источник: Минэкономразвития РД.



Количество показов: 78
Автор: YOLDASH.news
28.12.2018 16:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта