Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Дербентде тазалыкъны низамы къорула

Дербентде тазалыкъны низамы къорула



Дербент савлай Россияда тюгюл, дюнья оьлчевде айтсакъ да, лап да бырынгъы шагьарланы бириси гьисапда танывлу. Сынав ташдырагъан кююнде, тезде къурулгъан шагьарда янгыртыв-ярашдырыв ишлени ва шону булан бирче тазалыкъны-аманлыкъны чараларын оьтгеривге тергевню гючлендирмесе бажарылмайгъаны гьакъ.

 


Шону гьисапгъа алып, бугюнлерде Дагъыс­танны экология ва табии байлыкъларыны министри Набиюлла Къарачаев бырынгъы Дербент шагьарда иш сапары булан болду.


Министрни иш сапарында Дербент шагьар муниципал къурулувуну башчысыны заместители Завур Эминов, шагьар администрацияны оьзге къуллукъчулары ортакъчылыкъ этди. Олар оьзлени ишин шагьардагъы Х. Тагъиевни атындагъы орамдан таба башлады ва оьзге ерлерде де тазалыкъ болдурувну низамын гёзден гечирдилер.


– Буссагьатгъы вакътиде шагьарда чёп ташлайгъан 143 контейнер ерлешдирилеген майданчалар гьазирленип тура, – деп англатыв берди Завур Эминов.


– Низамны бодурма тарыкъ, низамсызлыкъ оьзлюгюнден де бола, барысы да шагьарда шолай майданчалар нече болмагъа тюше? – деп сорай огъар Набиюлла Абдулманапович.


– Гертиден де, низамны болдурув заманлыкъ чара тюгюл, ону гьар гюн дегенлей къорумасакъ бажарылмай, – деп узатды ол сёзюн, – Шону гьисапгъа алып, Дербентде де ювукъ гележекде 202 чёп тёшелеген контейнер майданчаланы къурмагъа ва къоллавчулагъа пайдаландырывгъа бермеге умут этебиз.


Озокъда, яшавлукъ ва производство шартларда амалгъа гелеген къалды-къулдуланы чёплюклеге ташлап къойгъан булан бажарылмай. Оьзюню ишчи сапарында Набиюлла Къарачаев де шо гьакъда ачыкъдан эсгермей болмады. Шону учун шагьарда 2-3 ерде къалды-къулдуланы ­айырып, къалыкъны ва шишаны ишлетеген 2-3 ерде пунктланы къурмагъа таклиф этилинди.


Бизин республикабызны шагьарларында ва районларында арт вакътилерде тазалыкъны болдурувгъа тергев артма башлагъаны гележекде ерлерде туризмни оьсдюрювге де кёмек этежеги, имканлыкълар яратагъаны шекликни тувдурмай. Муна шо саялы да Дербент де бизин республикабызда туризмни баш отаву гьисапда гележекде оьзге муниципал къурулувларына уьлгю болажагъына инанма ярай.


Алда да билдирилген кююнде, бизин республикабызны районларында ва шагьарларында тазалыкъны низамын болдурувгъа ва къоруп сакълавгъа байлавлу болуп регион операторлар иш гёрмеге башлагъан.


Дербент районда шагьарны ичиндеги къалды-къулдуланы, насланы айлана якъгъа яйылмагъа къоймай тазлав булан машгъул болагъан къурум «Экологи – Ка». Тек не этерсен, «Дербент шагьар» деген муниципал къурулувуну башчысы Хизри Абакаров билдиреген кюйде, гьалиги заманда эсгерилген оператор къуллукъну коллективи гьар тюрлю себеплеге гёре оьзлени алдына салынгъан борчланы толу кюйде яшавгъа чыгъарма болмайгъаны ачыкъ болуп гёрюне.


Муна шо саялы да, айлана якъда тазалыкъны болдурувгъа байлавлу бар имканлыкъланы пайдаладырмаса бажарылмайгъанын гьисапгъа алып шагьарны баш гьакими Дербентни дазуларыны ва айланасындагъы къурумланы, далапчылыкъ булан машгъул болагъанланы, ва шолай да бары да шагьарны ичинде яшайгъан халкъны тазалыкъны болдурма ва ону низамын къоруп сакълама чакъырыв этгени гьакъда да айрыча эсгермеге тюше.


 

СУРАТДА: Шагьарны гьакимлери иш сапарыны вакътисинде ДР-ни экология ва табии байлыкъларыны министри Набиюлла КЪАРАЧАЕВ булан.



 

Количество показов: 67
Автор: YOLDASH.news
16.08.2019 18:00
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта